Serena Williams gjobitet 17 mijë dollarë

Shoqata Amerikane e Tenisit gjobiti sot fituesen e vendit të dytë të kampionatit U.S. Open për femra me 17 mijë dollarë për shkelje gjatë finales.

Williams do të paguajë për tre shkelje gjatë lojës jashtëzakonisht të debatueshme me 20 vjeçaren Naomi Osaka, e cila siguroi për herë të parë titullin kampione.

Shkelja e parë: Williams, sipas arbitrit, kishte marrë udhëzime nga trajneri gjatë lojës, dhe i kushtoi asaj një paralajmërim si dhe një gjobë prej 3 mijë dollarësh.

Shkelja e dytë: Përplasjan në tokë duke e thyer raketën, solli si rezultat një ndëshkim prej një pike dhe një gjobë prej 4 mijë dollarësh.

Shkelja e tretë: Arbitri e quajti abuzim verbal, kur Williams e quajti “hajdut” për dënimin me heqjen e pikës, që solli si rezultat humbjen e lojës dhe një gjobë prej 10 mijë dollarësh.

Dënimet u kritikuan nga tifozët e Serenës dhe shumë të tjerë në botën e tenisit, ku një dënim që shkakton humbje të lojës është shumë i rrallë.

Me fitoren e saj. Naomi Osaka siguroi për herë të parë titullin kampione kur dhe ishte shprehur se i vjen keq që e gjitha përfundoi kështu me fyerje.

Serena Williams nga ana e saj kishte përgëzuar Osakan për një fitore të jashtëzakonshme në këtë finale por arbitrit Ramos i është drejtuar duke bërtitur:

“Ju jeni gënjeshtar. Nuk do të jeni pjesë e ndeshjeve të mia për aq kohë sa jeni gjallë. Kur do të kërkoni falje? Shprehni keqardhjen tuaj,” i tha Williams portugezit dhe publiku me brohoritje e mbështeti ish-tenisten më të mirë në botë.