FNSH dhe RENEA në Nikël të Krujës, arrestohet “Tuku” shoqërohen dhjetra të tjerë

Forcat Speciale, FNSH dhe RENEA, kanë nisur mëngjesin e sotëm një operacion të gjërë në Nikël të Krujës, i cili kryesohet nga  Drejtori i Përgjithshëm i Policisë, Ardi Veliu.

Mësohet se në pranga ësht ëvënë Flamur Haka, i cili njihej si i i forti i zonës, me nofkën “Tuku”.

Ndër banesat e kontrolluara ka qënë dhe ajo e Durim Bamit, i dënuar, protagonist i “atentatit” ndaj deputetit Tom Doshi. Ndërkohë, vazhdon bastisja e shtëpive të fisit Haka. Ato janë rrethuar nga mjete të blinduara. Nga burimet e operacionit mësohet se po policia vazhdon të kërkojë armë, drogë dhe persona në kërkim.

Operacioni ka filluar në orën 5:00 të mëngjesit dhe vazhdon edhe në këto momente me bastisjet e shtëpive të familjeve të tjera, anëtarë të cilave dyshohet se janë pjese e “Grupit të Niklës”.