Opozita vazhdon bojkotin, sot parlamentin e “zhvendos” në Durrës

Grupet parlamentare të opozitës do ta bojkotojnë edhe sot seancën plenare të Parlamentit duke e zhvendos atë në qytetin e Durrësit.

“Grupet parlamentare te opozites do ta zhvillojne mbledhjen e grupit neser me ora 10.00 ne Durres, tek hotel “Adriatik”. Fjala hyrese e Kryetarit Basha do te jete e hapur per mediat,” thekson në një njoftim nga zyra e shtypit të PD.

Kështu pas Shkodrës dhe Elbasanit, opozita në qytetin e Durrësit do të vazhdoj shpalosjen e Platformës ndonëse sot me një zhvillim të ri dhe ka të bëjë me krijimine Grupeve të Punës dhe jetësimin e saj duke filluar nga Ligji për Vettingun në Politikë.

Ndryshe, partitë parlamentare të opozitës kanë depozituar edhe pranë Parlamentit të Shqipërisë, Draftin e Ligjit për Vetting në politikë i cili gjatë javës ka ngjallur mjaft debate kundërthënëse ndërsa Shefi i Grupit të Rilindjes e ka hedhur poshtë ende pa u vendos mirë numri i protokollit gjatë depozitimit.