Itali, kapet gomonia me 1.700 kg drogë. Arrestohen dy shqiptarë, ja emrat…
Një gomone me 1.700 kg drogë është sekuestruar sot në orët e para të mëngjesit , në afërsi të brigjeve të komunës Vieste në provincën e Foggias, ndërsa në bordin e mjetit janë ndaluar dy shtetas shqiptarë.
Gomonia e pajisur me dy motorë të fuqishëm u ndalua pas disa minutave ndjekjeje nga ajri me një helikopter të forcave të policisë italiane dhe nga deti përmes skafeve të rojes bregdetare e të financës italiane.
Media italiane ilmessaggero.it shkruan se gomonia ishte nisur nga Shqipëria por policia e shtetit e mohon. “Mjeti detar sipas hetimeve te deritanishme, nga policite e vendeve partnere, nuk eshte nisur nga brigjet shqiptare. Megjithate Policia e Shtetit po vijon shkembimin e informacionit me agjencite partnere per te hetuar mbi lidhjet e te ndaluarve si te perfshire ne kete veprimtari kriminale” thuhet në njoftimin e policisë, raporton Ora News duke shtuar se ilmessaggero.it saktësonte:
“Një kontroll i shpejtë ka mjaftuar për të kuptuar se bëhej fjalë për marijuanë, ndoshta nga ajo e prodhuar në Shqipëri, që tashmë është kthyer në prodhuese kryesore të kësaj droge në tregun kombëtar”.
Ndërkohë policia shqiptare reagon duke sqaruar se gomonia është sinjalizuar fillimisht nga Policia Kroate si e dyshuar në dalje nga ujërat e tyre territoriale.
“Qendra Kombetare e Koordinimit, NCC, kroate dje (14 shtator) rreth orës 22:30 ka njoftuar NCC italiane për një mjet të dyshimtë në dalje nga ujërat kroate. Gomonia është pikasur nga Guardia di Finanza në zonën e Viestes në të njejtin drejtim të ujrave kroate. Gomonia është pikasur nga Guardia di Finanza në zonën e Viestes në të njejtin drejtim të ujrave kroate.”
Në bordin e mjetit janë kapur 2 shtetas shqiptarë, A.L. 38 vjeç dhe A.A 36 vjeç. Ndërsa ngarkesa e drogës së sekuestruar është rreth 1.700 kg kanabis.
Mjeti detar, thekson policia shqiptare, sipas hetimeve të deritanishme, nga policitë e vendeve partnere, nuk është nisur nga brigjet shqiptare.
“Megjithatë Policia e Shtetit po vijon shkëmbimin e informacionit me agjencitë partnere për të hetuar mbi lidhjet e të ndaluarve si të perfshirë në këtë veprimtari kriminale.”
Policia Italiane ende nuk ka një komunikim mbi këtë operacion.
Ndryshe, vetëm dy ditë më parë në provincën e Foggias një megaoperacion i policisë italiane coi në shkatërrimin e një klani mafioz të Sacra Corona Unita i cili ishte në biznes me grupet kriminale shqiptare për kontrollin e trafikut të marijuanës.
Pas këtij operacioni prej fillimit të vitit 2018 e deri më sot vetëm në rajonin e Puglias janë sekuestruar 16 mjete lundruese me dorgë, janë arrestuar 37 skafistë dhe janë sekesutruar 16 tonë marijaunë.
