Video/ Banorët përplasen me IKMT në Jalë: “Edi Rama je Millosheviç”
Ka nisur mes tensionesh aksioni i IKMT për shembjen e ndërtesave pa leje në Jalë. Në momentin kur IKMT ka ndërhyrë për prishjen e një lokali, ka pasur akuza të forta dhe sharje në drejtim të kryeministriti nga ana e familjarëve që kanë në pronësi biznesin. Ata dëgjohen duke e quajtur kryeministrin Edi Rama, Millosheviç dhe ISIS ndërsa i kujtojnë atij faktin se kanë mbetur pa shtëpi derisa djali i tij jeton në luks
IKMT ka nisur shembjet në gjirin e Jalës, raporton Ora News, sipas një programi të parashikuar për në muajin shtator, ku pritet shembja e 7 godinave, ndër to lokale dhe banesa, por banorët e zonës janë ngritur në këmbë, duke kundërshtuar shembjen e banesave me pretendimin se janë me dokumenta të rregullta dhe se çështjen e kanë apeluar edhe në gjykatë dhe janë ende në proces.
Banorët thonë se nuk janë paralajmëruar për nisjen e shembjeve sot dhe për më keq, dhomat e dhënë me qera i kanë ende me pushues.
“I kemi bërë me gjak”.
” Asnjë lloj dokumentacioni, këta janë të gjithë kriminelë nga i pari tek i fundit (u drejtohet policëve)”.
“Nuk mund ta marrë Edi Rama pronën tonë”.
Në zonë kanë zbarkuar forca të shumta të policisë vendore të Vlorës, RENEA dhe FNSH. Banorët vijojnë rezistencën dhe herë pas herë janë përplasur me policinë.
Aksioni i IKMT-së për momentin ka mbetur pezull.
Në momentin kur IKMT ka ndërhyrë për prishjen e një lokali, ka pasur akuza të forta dhe sharje në drejtim të Edi Ramës nga ana e familjarëve që kanë në pronësi biznesin.
‘’Je ISIS Edi Rama, je Millosheviç, djali yt jeton në luks, ne na e prishën shtëpinë”, janë vetëm disa nga thirrjet e dëshpëruara të familjarëve që po iu prishet biznesi i tyre.
Banorët thanë se ata e kanë çuar çështjen në gjykatë dhe janë ende në proces; se nuk janë paralajmëruar për nisjen e shembjeve sot dhe për më keq, dhomat e dhënë me qera i kanë ende me pushues, duke qenë se kushtet e motit kanë qenë të mira.
Ata e konsideruan dhunë, nxjerrjen nga banesat e tyre sot, ndërsa IKMT vijon me procesin e shembjes, me ndihmën dhe të forcave të shumta policore që kanë zbarkuar në zonë.
Ndërkohë një prej banorëve ka një thirrje të drejtpërdrejtë për kryeministrin Rama, teksa i thotë se ka vënë ndërtuesit në vendin e parë, dhe jo qytetarët, siç thuhet në daljet e tij të fundit.
