Seanca e jashtëzakonshme kthen Opozitën në Parlament
Parlamenti i Kosovës sot ka parashikuar dy Seanca, një të jashtëzakonshme dhe një plenare.
Seanca e jashtëzakonshme fillon në orën 14:00 për të cilën Opozita ka paralajmëruar se do të marrë pjesë, me arsyen e vetme se bëhet fjalë për Fondet IPA dhe zhvillimin e Kosovës, dhe Seanca plenare është parashikuar të filloj në orën 14:30 por atë Opozita vazhdon ta bojkotoj.
Ndryshe, bojkotimi i seancave plenare nga Opozita vazhdon të bëhet për shkak të mospërfilljes që i është bërë seancës së jashtëzakonshme që kishte kërkuar, dhe kishte të bënte me miratimin e një Rezolute që ndërlidhej me kompetencat e Presidentit të Kosovës në negociata me Serbinë. Përplasjet në seancën e jashtëzakonshme rreth përmbajtjes së Rezolutës bënë që ajo të ndëprehet dhe dallimet e mëdha në përmbajtjen e saj kanë bërë që jo vetëm Rezoluta të mbetet peng por e gjithë jeta parlamentare. Kjo është dhe arsyeja që detyroi Lëvizjen Vetëvendosje të organizoj protestë duke e thirrë atë më 29 shtator në mënyrë që jo vetëm Hashim Thaçi ta kuptoj se cili është mendimi i qytetarëve të Kosovës.
Seancë e jashtëzakonshme, 14:00
Rendi i ditës
- Votimi i Projektligjit nr. 06/L-090 për Ratifikimin e Marrëveshjes Financiare për IPA 2017, pjesa e parë, ndërmjet Kosovës dhe Bashkimit Evropian,
- Votimi i Projektligjit nr. 06/L-094 për Ratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në programin “Evropa për qytetarët”,
- Votimi i Projektligjit nr. 06/L-095 për ratifikimin e Marrëveshjes ndërmjet Komisionit Evropian dhe Kosovës mbi pjesëmarrjen e Kosovës në “ERASMUS +” Programin e Unionit për Arsim, Trajnim, Rini dhe Sport,
- Shqyrtimi i Projektligjit nr.06/L-099 për aderimin e Kosovës në Marrëveshjen për themelimin e Shkollës Rajonale të Administratës Publike (ReSPA).
Vazhdimi i Seancës plenare, 14:30
Rendi i ditës
- Koha për pyetje parlamentare,
- Votimi i Raportit vjetor të Agjencisë për Menaxhimin e Komplekseve Memoriale të Kosovës për vitin 2017,
- Votimi në lexim të dytë i Projektligjit nr. 06/ L-010 për Noterinë,
- Votimi i Propozim-rezolutës nga debati parlamentar për dialogun me Serbinë,
- Votimi në lexim të dytë i Projektligjit nr. 06/L-067 për plotësimin edhe ndryshimin e Ligjit nr. 04/L-063 për Hekurudhat e Kosovës,
- Votimi në parim i Projektligjit nr. 06/L-084 për mbrojtjen e fëmijës,
- Shqyrtimi i parë i Projektligjit nr. 06/L-065 për shqyrtimin dhe vërtetimin e pasurisë së pajustifikueshme,
- Votimi në lexim të dytë i Projektligjit nr. 06/L-059 për Kompleksin Memorial “Adem Jashari” në Prekaz,
- Shqyrtimi i dytë i Projektligjit nr. 06/L-035 për veprimtaritë hidrometeorologjike,
- Shqyrtimi i dytë i Projektligjit nr. 06/L-038 për shërbimet postare,
- Shqyrtimi i dytë i Projektligjit për Ndryshimin dhe Plotësimin e Ligjit Nr. 02/L-31 për Lirinë Fetare në Kosovë,
- Shqyrtimi i dytë i Projektligjit për miniera dhe minerale,
- Votimi i Raportit vjetor i Autoritetit rregullator për ujëra për vitin 2017,
- Votimi i Raportit vjetor të performancës së Zyrës Kombëtare të Auditimit për vitin 2017,
- Votimi i Raportit vjetor të Autoritetit Rregullator të Komunikimeve Elektronike dhe Postare për vitin 2017,
- Votimi i Raportit vjetor të Fondit të Kursimeve Pensionale të Kosovës për vitin 2017,
- Votimi i Raportit vjetor të Radiotelevizionit të Kosovës për vitin 2017,
- Votimi i Raportit vjetor të Autoritetit Rregullativ të Hekurudhave për vitin 2017,
- Votimi i Raportit vjetor të Bankës Qendrore të Republikës së Kosovës për vitin 2017,
- Votimi i Raportit vjetor të Autoritetit të Aviacionit Civil për vitin 2017,
- Votimi i Propozim-vendimit të Komisionit për Buxhet dhe Financa për caktimin e pagës së kryesuesit dhe anëtarëve të Komisionit për Ndihmë Shtetërore,
- Votimi i Propozimit të grupeve parlamentare të AAK-së dhe Nismës Socialdemokrate për zëvendësimin e anëtarëve në komisionet parlamentare,
- Zgjedhja e tre (3) anëtarëve të Bordit te RTK-së,
- Votimi për formimin e Komisionit Ad-hoc për përzgjedhjen e kandidatëve për (1) një anëtar të Bordit të Radiotelevizionit të Kosovës nga komuniteti shqiptar,
- Votimi i Propozimit për zëvendësimin e dy (2) anëtarëve të Komisionit Hetimor Parlamentar në lidhje me shpenzimet për lobim nga ana e Presidencës dhe Qeverisë së Republikës së Kosovës,
26. Debat parlamentar, sipas kërkesës së deputetes Donika Kadaj-Bujupi, mbështetur edhe nga 7 deputetët nënshkrues nga GP i AAK-së, në lidhje me shtesat e fëmijëve.
