Arrestohet përdhunuesi i Fushë-Krujës, djali i deputetit socialist

Arrestohet djali i deputetit Rrahman Rraja.

Rexhep Rraja u arrestuar pas urdhrit të Gjykatës së Krujës e cila ka dhënë masën ‘Arrest me burg’ për të akuzuarin për dhunimin e Xhisiela Malokut.

Mësohte se arrestimin e ka kryer policia e Krujës pas një vendimi të Gjykatës së këtij rrethi që e caktoi masen e arrestit me burg për djalin e deputetit socialist.

Ndryshe, arrestimi i Rexhep Rrajës vjen 2 muaj pas përdhunimit të shtetases Xhisiela Maloku, akti ky makabër i cili ishte fshehur nga policia edhe pse viktima e kishte denoncuar dhunimin. Por Ish-nënkomisari i Komisariatit të Krujës, Emiljano Nuhu, në një intervistë për Shijak TV, deklaroi se djali i deputetit socialist e kishte kanosur atë me armë në zyrën e tij, duke i kërkuar të mbyllë hetimin. Madje, Nuhu u shpreh se prezent në atë moment, në zyrën e tij, ishte edhe deputeti Taulant Balla.

Ndërkohë kryeministri Edi Rama, denoncuesin e kësaj vepre që tashmë zyrtarisht quhet “Dhunë dhe përndjekje” edhe nga Gjykata, e quajti horr!