Referendumi, Ali Ahmeti: Sot qytetarët vendimin e deleguan tek deputetët

Kreu i BDI-së, Ali Ahmeti, pas mbylljes së vendvotimeve për referendum, tha se me votën tonë në Kuvend, ne paracaktojmë të ardhmen tonë, por edhe të ardhmen e rajonit të Evropës Juglindore”.

“Sot qytetarët e deleguan këtë të drejtë te deputetët. Maqedonia alternativë tjetër nuk ka. Maqedonia duhet të jetë në BE dhe në NATO. Marrëveshja midis Maqedonisë dhe Greqisë nuk ka alternativë”, tha ai.

Ahmeti tha se “nëse nuk ka guxim opozita të votojë ndryshimet kushtetuese atëherë shkohet në zgjedhje të parakohshme, por kjo është e diskutueshme”.

“Maqedonia ka tjetër agjendë përpara, atë euroatlantike. Zgjedhjet nuk janë në agjendë”, ka thënë ai.

Ndryshe, BDI rikujtoi se kur pjesëmarrja e qytetarëve të Maqedonisë në referendumin për çështjen e emrit të këtij shteti nuk ka arrrritur 40 për qind të pjesëmarrjes, çështja do të kalojë për vendimmarrje në Kuvendin e Maqedonisë.