KFOR ishte në dijeni për vizitën e Thaçit tek liqeni i Ujmanit

“Para se të arrinte njësia speciale ROSU në Liqenin e Ujmanit tre avionë pa pilotë të KFOR-it kanë fluturuar në veri të Mitrovicës.” Kështu shkruan e përditshmja serbe “Veçernje novosti” duke pretenduar se KFOR ishte në dijeni për vizitën e presidentit të Kosovës, Hashim Thaçi në Liqenin e Ujmanit madje ishin edhe makinat e OKB që e kanë shoqëruar Thaçin.

“Përderisa Thaçi mbrohej nga truproja me pushkë dhe tyta të gjata, nën vëzhgim e mbanin edhe dronë të KFOR-it të cilët fluturonin mbi të. Kjo hedh poshtë pretendimet se KFOR nuk ishte në dijeni për vizitën e presidentit kosovar në Veri dhe shkel të gjitha marrëveshjet garant i të cilave janë NATO dhe Bashkimi Evropian,” thekson e perditshmja serbe e cila flet edhe për prezencëne e 12 snajperistëve dhe më shumë se 100 policëve të armatosur deri në dhëmbë.

Ndryshe, vizita e Presidentit të Kosovës, Hashim Thaçi në liqenin e Ujmanit ka shkaktuar reagime si në Beograd ashtu edhe Prishtinë. Deri sa serbët e quajnë provokim në Prishtinë u konsiderua vetëm show mediatik i cili nuk i shërben askujt, as serbëbe, as shqiptarëve e aq më pak presidentit i cili si instutcion ka shënuar uljen më të madhe të ndikimit, që nga ekzistimi i shtetit të Kosovës.