Aleksandar Vuçiç në Moskë, nesër takim me Putinin
Presidenti i Serbisë, Aleksandar Vuçiç po qëndron në Rusi në një vizitë zyrtare ku nesër pritet të takohet me Presidentin e Rusisë, Vladimir Putin, ka bërë të ditur Ambasada e Serbisë në Moskë, raporton Sputnjik.
“Presidenti Vuçiç tashmë është në Moskë. Të martën do të takohet me shefin e shtetit rus. Sot Vuçiçi ka takime private,” saktësoi misioni diplomatik serb në Rusi.
Në prag të kësaj vizite Presidenti i Serbisë, Aleksandar Vuçiç ka bërë të ditur se në takim me Putinin do bisedoj për zhvillimet e fundit ekonomike dhe politike si dhe për situatën në Kosovë, me ç’rast do të kërkoj edhe mbështetjen e tij.
