“Jo vetëm mbrojtës i përdhunuesit”/Denoncimi, Paloka: Taulant Balla përdhunues, të implikuar edhe zyrtarë të PS-së

Nënkryetari i Partisë Demokratike Edi Paloka, akuzoi kreun e Grupit Parlamentar të Partis Socialiste, Taulant Balla jo vetëm për rastin “Xhisiela” por edhe për përdhunimin që numri dy i PS e ka kryer vetë, dhe ngjarja lidhet po në Laç.

“Ka denoncim në polici për Ballën për përdhunim nga vajza. Në Laç i dinë mirë detajet se janë disa funksionarë të partisë socialiste që ngatërrohen në këtë histori,” u shpreh Edi Paloka në emisionin “Kjo Javë” ndërkohë duke ju kthyer rastit “Xhisiela”, ai tha se mes Ballës e Nënkomisarit, i beson këtijë të fundit, pasi askush nuk flet për kamerat e komisariatit, për të cilat Paloka thotë se janë fshirë.

“Rasti i Nënkomisarit, ‘horrit’ se del kryeministri e quan ‘horr’ nuk është rasti i pari që ky kryeministër, mbështet krimin. E zëmë se Balla nuk ka qenë, pse nuk u arrestua djali, dy muaj më parë.? Një që del me kallashnikov në shtëpinë e tij, pse nuk arrestohet. Ku jemi ne? Këtë të shohë policia”, u shpreh Nënkryetari i PD ndërsa komentoi edhe kallëzimet në prokurori mes palëve.

“Është absurd kallëzimi për z. Basha. Po fillon kallëzimi që te gazetari që ka marrë intervistë. Mjafton kaq për ta kuptuar se çfarë lloj kallëzimi është ky, për çfarë bëhet fjalë. Mund të kallëzohet një gazetar pse ka marrë interviste? Dhe nesër mund të na çoje të gjithëve në prokurori, që të krijojë atë mjegullën që i duhet sa për të thënë që unë jam kaq i pafajshëm sa po i çoj të gjithë në prokurori edhe gazetarin. Ky është qëllimi i kallëzimeve të Taulant Ballës”, theksoi Paloka duke shtuar se Balla ndërtoi dy alibi të rreme në lidhje me ngjarjen, një herë tha se isha në takime publike dhe me tej tha se ishte për të peshkuar.

Duke iu referuar kallëzimit në Prokurori, Edi Paloka u shpreh se është e rëndë që organi i akuzës e ka mbajtur për dy orë Ballën dhe nuk e ka pyetur për akuzat e Nuhut, po e ka mbajtur për akuzat e Ballës për Bashën.

“Kjo do ishte e rëndë!”

Paloka denoncoi gjithashtu edhe një ngjarje të rëndë të ndodhur në Shkodër, sipas të cilit banda që kontrollojnë këtë qytet kanë përdhunuar një vajzë në sy të të fejuarit, dhe ngjarja është mbajtur e fshehtë.

“Banda e Shkodrës, ka bërë përdhunime nga më makabret që nuk i thotë kush. Nuk i denoncon kush. E dini ju, që në Shkodër është përdhunuar e fejuara në sy të të fejuarit në makinë, vetëm 10 metra më larg, dhe i fejuari rrinte nën tytën e pistoletës dhe shihte me sytë e tij”.

Kur ka ndodhur ky rast?

Ka ndodhur dhe nuk denoncohen. Se njeriu që ka qenë aty, nuk ka guxuar e thonë nën zë, tregohen. Është hedhur një vajzë nga pallati. Nuk vajti njeri as gazetarët ta hetojnë, Pse. Ishte shtatzënë me një nga banda e përdhunuar.

A keni informacion kur ka ndodhur kjo?

Unë po ju them faktet. Që edhe ata edhe vetë familjarët nuk guxojnë t’i nxjerrin. I di gjithë Shkodra. I di gjithë Vlora ca ndodh në Vlorë, e di gjithë Durrësi ca ndodh në Durrës, në Nikël në Shijak. Këto janë gjëra që po ndodhin në gjithë Shqipërinë. Bandat e krimit që i kanë dhënë pushtetin Edi Ramës sot po marrin kaparin.