Avancon “loja me cigare”/ Flet Xhisiela mor Taulant: Tritolin në banesë e ka vendosur opozita!

Pas tritolit që iu hodh në oborrin e shtëpisë, gjyshja e Xhisiela Malokut në fshatin Larushk të Fushë Krujës është shprehur se ndihen të frikësuar por nuk e ka idenë se kush mund ta ketë bërë. Por kështu nuk mendon dhe e mbesa Xhisiela.

Në një prononcim për media Xhisiela mendon ashtu si edhe Taulanti, se tritolin ia ka vendosur opozita, por sërish kërkon mbështetjen e opozitës

“Nuk ndihem e kërcënuar nga ish i dashuri, apo njerezit e tij, por nga opozita qe kerkon te perfitojë politikisht nga kjo ngjarje. Unë ndodhesha në banesë në momentin e shpërthimit, dhe ta pranoj që u
trembëm shumë, pasi shpërthimi ishte i fuqishëm,”­ thekson ajo duke shtuar se nuk ka nevojë dhe as kërkon azil.

“Vendosja e tritolit është mëse e qartë. Që do të thotë është bërë nga PD dhe nga opozita për të sulmuar drejtpërdrejt. Të vërtetën e di vetëm unë. Nuk jam e kërcënuar nga fisi Rraja. Deri dje “hipotezat” ishin  që unë isha e kërcënuar nga fisi Rraja, tashmë nuk janë. Edhe telefonata e parë që unë kam bërë pasi ka ndodhur shpërthimi ka qenë i një kushëriri të Rexhepit, Ramazan Rraja, ka ardhur këtu dhe pastaj është larguar. Më pas unë kam njoftuar policinë,” tha Xhisiela ndërkohë e pyetur pse mendon se këtë e bën opozita ajo shton:

“Sepse unë dola e thashë të vërtetën si ishte, ata luajtën një lojë politike dhe dolën bllof. Unë jam Xhisiela dhe të vëretën e di vetëm unë, nuk mundet dikush të hedhë hipoteza.”

Dhe vajza e cila nga denoncimi i përdhunimit kaloi në dashurinë për tu djegur me cigare avancon në tritol, nuk është edhe aq shumë e qartë sa deklaron ndërsa kërkon edhe këtë lloj mbështetje:

“Unë dua mbështetjen e opozitës për të më mbrojtur nga opozita!”­