Shqipëri-BE/ Bruksel, PD: Të largohet Taulant Balla, ky padrino i baronit të drogës…

Komisioni i Përbashkët Ndërparlamentar Shqipëri-BE ka filluar mbledhjen sot në në Bruksel me një kërkesë të Partisë Demokratike. Nënkryetari i këtij Komisioni, deputeti i PD, Genc Pollo, kërkoi në emër të opozitës që komisioni i përbashkët të mos drejtohet më nga Taulant Balla, sepse sipat tij është e padenjë të kemi një padrino të baronit të drogës në presidium.

“Është e padenjë që Balla të jetë bashkëkryetar. Është e padenjë të kemi një padrino të baronit të drogës në presidium. Turp për maxhorancën në Tiranë që nuk e ndërroi! Turp për ne të gjithë, po e toleruam edhe në Bruksel,” tha Pollo duke e konsideruar të pakuptimtë deklaratën nëse në krye të Komisionit është Balla:

“Me Ballën në majë të pirgut s’ka kuptim deklarata e sotme kundër drogës e pro negociatave!”

Eurodeputetët janë të sikletosur nga Balla: “Ç’të bëjmë, zemë hundën me dorë e vazhdojmë punën”.

Eurodeputetët, tha Pollo, kanë kërkuar zyrtarisht shpjegime për skandalet e Ballës.

“Balla, një pasardhës i denjë i Tahirit në këtë Komision dhe po si Tahiri, të largohet! Dhe do të largohet. Kjo është e fundit mbledhje e Parlamentit ku Balla është bashkëdrejtues.”

Pas këtij denoncimi nga ana e Pollos, përfaqësuesit e opozitës janë larguar nga mbledhja.