Votimi në Parlament/ Ushtria e Kosovës, Basha: Kontribut i shtuar për paqen dhe sigurinë në Ballkan!

Kryetari i Partisë Demokratike, Lulzim Basha duke përshëndetur votimin e sotëm në Parlamentin e Kosovës të tri projektligjeve që i hapin rrugë krijimit të Ushtrisë së Kosovës, thekson se ky do të jetë një kontribut i shtuar për paqen dhe sigurinë në Ballkan.

“Kosova me ushtrinë e vet, në bashkëpunim të ngushtë me aleatët euro-atlantikë dhe me aspiratën e anëtarësimit në NATO, do të jetë një kontribut i shtuar për paqen dhe sigurinë në Ballkan”

Ndryshe, Parlamenti Kosovës sot ka votuar tri Projektligjet, atë për Ministrinë e Mbrojtjes, për Forcën e Sigurisë së Kosovës dhe Projektligjin për shërbim në Forcën e Sigurisë së Kosovës, FSK, që i hapin rrugë krijimit të Ushtrisë së Kosovës.

 Ja deklarata e plotë:

“Përshëndes votimin e ligjit që i hap rrugën krijimit të ushtrisë së Kosovës. Kosova me ushtrinë e vet, në bashkëpunim të ngushtë me aleatët euro-atlantikë dhe me aspiratën e anëtarësimit në NATO, do të jetë një kontribut i shtuar për paqen dhe sigurinë në Ballkan.”