Projektligji/ Fati i “Lojërave të Fatit” sot në duart e deputetëve

Komisioni parlamentar i Ekonomisë sot do të marrë në shqyrtim ndryshimet në ligjin “Për lojërat e fatit në Republikën e Shqipërisë”.

Qëllimi i këtij Ligji, sipas Qeverisë si propozues,  është ndërprerja e aktivitetit të basteve sportive dhe të basteve për garat në pistë deri në 31 dhjetor 2018.

Për vazhdimin e mëtejshëm të kësaj veprimtarie, po konsiderohet mundësia e trajtimit të saj si monopol shtetëror dhe ushtrimi i kësaj veprimtarie nga struktura shtetërore të ngritura posaçërisht.

Sipas Projektligjit të hartuar nga Qeveria, Bingot televizive mbeten të paprekura nga trajtimi që i bëhet Basteve sportive dhe Basteve për garat në pistë.