Zagani paralajmëroi/ Arrestimet ndër socialistë, Rama: Nesër do të njiheni edhe me një…

Pasditen e sotme, kryeministri i vendit Edi Rama, zhvilloi një takim në Laprakë, me siç shprehet ai “gra dhe vajza të një komuniteti të prekur jo pak nga pasojat e bixhozit, për të diskutuar mbi ndalimin e tyre dhe kalimin e qindra miliona eurove në vit, nga lumi e llumi i kumarit në konsumin familjar.”

Edi Rama gjatë fjalës së tij foli edhe për arrestimet e bujshme të bëra një ditë më parë, ku tha se do të vazhdojnë operacionet për të arrestuar të fortët:

“Këta të fortët me lidhje të forta kriminale, do të jemi shumë të ashpër me të fortët. Nesër besoj publiku do të njihet me një tjetër operacion të suksesshëm dhe do të vazhdojë deri sa i forti i fundit ta kuptojë se
nuk ka të fortë në këtë vend, pasi del nga shtëpia, i fortë është komuniteti,” tha kryeministri por nuk dihet ende nëse ky operacion i paralajmëruar ka lidhje me atë që oficer i policisë Dritan Zagani paralajmëroi:

“Ne do t’i detyrojmë o të vihen në resht dhe të respektojnë ligjin e këdo qoftë, ose ka vetëm një vend për ta, aty ku shkuan sot ata që janë aty brenda. Historia që një lagje e tërë shqetësohet pse ky fis na ka makina e muskulaturë të zhvilluar, do të mbarojë në këtë vend. Shteti do të jetë në krahun e çdo qytetari dhe familjeje,” vazhdoi me propagandën kryeministri duke mos përmendur fare rolin e ndërkombëtarëve në këtë aksion ndërsa u prezantua me dorën e tij të hekurt e cila për pesë vjet është demonstruar vetëm me ata që shesin majdanoz.

Ndryshe, pas arrestimit të dy Ish-deputetëve socialistë, Arben Ndoka dhe Arben Çuko, ka reaguar edhe Ish-oficeri i antidrogës, Dritan Zagani me anë të një postimi në rrjetet sociale duke paralajmëruar Ish-ministrin e Brendshëm, Saimir Tahiri, icili është nën hetim për trafik ndërkombëtar drogë e emri i tij përmendej në bisedat e bandës së “Habilajve”.

“Loja e rende filloi….! Saje kujdes…se tani ska vetem te rrafme…!” – shkruan Zagani.