Kryesia e PS konstaton: Opozita shthurri Rilindjen!
Ka shthurje në bashkitë e drejtuara nga opozita! Kështu u shprehë pas përfundimit të mbledhjes së kryesisë së Partisë Socialiste, deputetja e PS, Elisa Spiropali ndërsa bënë të ditur se janë shkarkuar 11 kryetarë të degëve të shkarkuar në rrethe.
Mësohet se për mospërmbushje objektivash dhe neglizhencë janë shkarkuar kryetarët e degëve të PS në Memaliaj, Cërrik, Delvinë dhe Selenicë.Kryetarët e shkarkuar janë në bashkitë që drejton opozita.
Pas përfundimit të mbledhjes deputetja e PS, Elisa Spiropali u shpreh se janë shkarkuar po ashtu edhe disa drejtorë në rrethe, dhe lista do publikohej në orët në vijim.
“Nuk e kam listën këtu do bëhet prezente. Po bëhet një analizë e qeverisjes në të gjithë territorin. Drejtuesit politikë do rrisin prezencën në territor’, tha deputetja socialiste duke shtuar:
“Ka shthurje në bashkitë e drejtuara nga opozita!”
Pritet që në orët në vijim të bëhen të ditur emrat e drejtorëve të shkarkuar në mbledhjen e sotme të kryesise së PS. Kujtojmë se një gjë e tillë u paralajmërua dje nga kryetari i PS, Edi Rama:
“Kemi ca drejtorë legena që po na nxijnë fytyrën me korrupsion dhe keqmenaxhim!”.
Ndryshe, pas arrestimit të dy Ish-deputetëve socialistë, Arben Çuko dhe Arben Ndoka, kryetar i PS dhe kryeministri Edi Rama thirri mbledhjen urgjente të kryesisë së Partisë Socialiste.
