Aksident i rëndë, treni përplas makinën në Bradashesh…
Një aksident i rëndë ka ndodhur sot në Bradashesh të Elbasanit, ku treni i linjës Kashar-Elbasan, është
përplasur me një makinë tip “Opel”.
Si pasojë e kësaj përplasje, mësohet se ka mbetur i plagosur, drejtuesi i makinës, Eugent Çala, 32 vjeç nga Tirana, i cili është jashtë rrezikut për jetën.
Sipas Policisë “drejtuesi i mjetit , u transportua në Spitalin e Elbasanit, dhe ndodhet nën kujdesin e mjekëve. Ndërkohë Mashinisti dhe ndihmësi i tij janë shoqëruar në Komisariatin e Policisë Elbasan, për
veprime të mëtejshme”.
Njoftimi i Policisë
Në fshatin Bradashesh, Elbasan, treni i pasagjerëve i linjës Kashar – Elbasan, me drejtim lëvizje për në Elbasan, me mashinist shtetasin D.D., 62 vjeç, banues në Tiranë dhe ndihmës mashinist shtetasin N.L.,
58 vjeç, banues në Vorë Tiranë, është përplasur me mjetin tip “Opel” me targa TR 5828 N, me drejtues shtetasin E. C., 32 vjeç, banues në Tiranë.
Si pasojë është dëmtuar drejtuesi i mjetit , i cili u transportua në Spitalin e Elbasanit, dhe ndodhet nën kujdesin e mjekëve.
Mashinisti dhe ndihmësi i tij janë shoqëruar në Komisariatin e Policisë Elbasan, për veprime të mëtejshme.
Grupi hetimor ndodhet në vendngjarje dhe po punon për zbardhjen e shkakut të aksidentit
