Përgjigje Edi Ramës/ Nuk ka më qeveri, Basha: Një tufë banditësh kanë kapur shtetin!
Kryetari i Partisë Demokratike, Lulzim Basha i ka dhënë përgjigje fyerjeve dhe kërcënimeve të Edi Rama përmes rrjetit social Twitter në prag të seancës plenare të Parlamentit të Shqipërisë ku kryeministri e ka projektuar në kokën e tij kalimin e Ligjit për Lojërat e Fatit.
Duke konstatuar gjendjen e rëndë në të cilën ndodhet Shqipëria e qeverisur nga krimi, Lulzim Basha shprehet:
“Shqipëria nuk ka më as kryeministër, as Kuvend, as prokurori, as polici, as gjykata as qeveri, por një tufë politikanësh banditë që kanë kapur shtetin dhe marrë peng vendin!”
A ka rrugëzgjidhje! Një dhe e vetme, thekson kryetari i PD, Lulzim Basha:
“Përballja me popullin është e pashmangshme dhe fundi i diktaturës së krimit i sigurtë!”
Ja postimi i plotë
“Shqipëria nuk ka më as kryeministër, as Kuvend, as prokurori, as polici, as gjykata as qeveri, por një tufë politikanësh banditë që kanë kapur shtetin dhe marrë peng vendin.
Përballja me popullin është e pashmangshme dhe fundi i diktaturës së krimit i sigurtë.”
Ndryshe, kryeministri Edi Rama duke foluru për votimin në Parlament të Ligjit, që sipas tij ndalon Bixhozin(kazino, baste sportive,baste për gara qensh, kuajsh,luftra gjelash,off apo online, pa asnjë përjashtim) paralajmëron një fjalim me akuza të reja për atë që ai e quan Lloto Opozitë:
“E po nesër dhe ca fjalë për Lloto Opozitën e për bastet e gjysmagjelave të kazanit politik të baltës së shpifjeve e të akuzave,” thekson njeriu që shpiku dhe përdori dy kazanët që shkatërruan këtë vend: kazani politik dhe kazani mediatik!
Ja postimi i plotë:
Nesër në Kuvend për Ligjin që ndalon Bixhozin(kazino, baste
sportive,baste për gara qensh, kuajsh,luftra gjelash,off apo online, pa asnjë përjashtim)! E po nesër dhe ca fjalë për Lloto Opozitën e për bastet e gjysmagjelave të kazanit politik të baltës së shpifjeve e të akuzave.
