Tensionet në Bularat e Këlcyrë, reagon PDIU…

Një aktiviste shqiptare, e cila po protestonte sot në Këlcyrë ka rënë në prangat e policisë.

Pas arrestimit të Elida Jorgonit, ka reaguar dhe PDIU, duke theksuar se po ndalohen patriotët shqiptarë të protestojnë dhe u hapet rrugë provokimit me armë të esktremistëve të Agimit të Artë.

“Si është e mundur që disa shqiptarë patriot, të ndalohen të
protestojnë në territorin e tyre në Këlcyrë, ndërkohë që në Gjirokastër lejohet që një ekstremist i Agimit të Artë, Konstatinos Kacifas, të qëllojë Policinë e Shtetit.”

Reagimi i plotë:

Ndalohen patriotët shqiptarë të protestojnë dhe u hapet rrugë
provokimit me armë të esktremistëve të Agimit të Artë

Policia nuk u jep leje patriotëve shqiptarë që të protestojnë për fyerjet që u bëhet të gjithë shqiptarëve me varrezat greke në Këlcyrë dhe bërjen e tyre vend pelegrinazhi për ekstremistët grek të vorio-epirit.

Patriotët shqiptarë si Elida Jorgoni kanë të gjithë të drejtën për të
protestuar dhe ndalohen e arrestohen padrejtësisht nga Policia.
PDIU dënon këtë veprim të Rilindasve të rinj, të cilët po lëvizin nga
vendprehjet e tyre Rilindasit e vjetër.

Si është e mundur që disa shqiptarë patriot, të ndalohen të
protestojnë në territorin e tyre në Këlcyrë, ndërkohë që në Gjirokastër lejohet që një ekstremist i Agimit të Artë, Konstatinos Kacifas, të qëllojë Policinë e Shtetit.

Është e papranueshme që një ekstremist i Agimit të Artë që të jetë i pranishëm në territorin shqiptar në ceremoninë e varrezave për
ushtarët grek dhe më pas ky ekstremist, qëllon Policinë Shqiptare.
Partia Drejtësi, Integrim dhe Unitet bën thirrje që ekstremisti i Agimit të Artë të arrestohet nga Policia.