Vrasja e ekstremistit grek, reagon Athina zyrtare: Është e papranueshme, presim…

Pas epilogut të ngjarjes në Bularat, Ministria e Jashtme e Greqisë ka kërkuar nga autoritetet shqiptare sqarimin e plotë të rrethanave të vrasjes së 35-vjeçarit grek, shkruan Ant1.

Reagimi i plotë:

“Autoritete greke në bashkëpunim me autoritet shqiptare kanë qenë në kontakt dhe kanë pasur informacion lidhur me ngjarjen në Bularat, ku dyshohet se shtetasi grek hapi zjarr ndaj policisë, e cila më pas kërkoi dhe arrestimin e tij.

Pak më parë ne u njoftuam se gjatë përplasjes së armatosur me
policinë, humbi jetën shtetasi grek.

Shprehim keqardhjen tonë dhe ngushëllimin për familjarët e shtetasit grek në çdo rrethanë.

Është e papranueshme që të arrihet në një pikë humbjeje të jetëve
njerëzore. Ne presim që autoritetet shqiptare të sqarojnë plotësisht
rrethanat në të cilat ky qytetar grek ka humbur jetën dhe do të ndërmerren menjëherë veprimet e nevojshme”, theksohet në reagimin e Ministrisë së Jashtme greke.