Kumanovë, përleshje mes dy grupeve shqiptare, 1 i vrarë dhe 3 të plagosur…

Si pasojë e një përleshje të armatosur mes dy grupeve shqiptare në Kumanovë, 1 person është vrarë dhe 3 kanë mbetur të plagosur

Sipas policisë, 6 persona të familjeve Latifi dhe Maksuti janë përleshur mes vete. Fillimisht përleshja ka qenë fizike dhe më pas është shtënë edhe me armë zjarri.

Mësohet se F. L., 61 vjeç dhe V. L., 48 vjeç kanë qëlluar me armë në drejtim të V. M.,  XH. M., R. M., dhe M.  M., të cilët janë plagosur dhe dërguar për mjekim në spital. I plagosuri rëndë, Vehni Maksuti,  u dërgua për kurim në Urgjencën e Shkupit por nuk arriti ti mbijetoj plagëve.

Ende nuk dihet motivi i përplasjes mes dy grupeve ndërkohë mediat flasin për grupe me veprimtari kriminale dhe dhënie fajdesh.

Policia dhe Prokurori Publik janë në vendngjarje dhe po punojnë në zbardhjen e plotë të rastit.