Rruga e Kombit/ Kujt i flet Edi Rama: Qytetarët nuk kanë asnjë paknaqësi për tarifën por…

Qytetarët nuk kanë asnjë pakënaqësi për tarifën. Kështu shprehet kryeministri Edi Rama përmes një video që ka postuar në kazanin e tij, ERTV, ku i shoqëruar nga Ministri i Energjetikes dhe Infrastrukturës, Damian Gjiknuri thotë se është duke inspektuar punimet në një segment të “Rrugës së Kombit”, dhe shton:

“Është gjë e mirë që këtu nuk ka asnjë lloj ndjenje pakënaqësie, por ka mirëkuptim të plotë. Por ajo që është e rëndësishme është që qeveria dhe kompania e mirëmbajtjes t’i përgjigjen këtij kontributi në
maksimumin e korrektesës, me shërbim perfekt në shërbim të qytetarëve.”

Kujt iu drejtua Edi Rama nuk është e qartë, atyre që nuk janë dakord me taksën dhe pas protestës te trau i Qetit i arrestoi, atyre që protestuan para ca ditësh dhe i bënë me dije që të ikë nga Kukësi, apo asaj pjese të administratës që me plotë turp po e dëgjonte kryeministrin para syrit vigjilent të kazanit ERTV, e cila gjithsesi bukën e hëngri me turp por tekstin që e shoqëron këtë video nuk do ta kuptoj sa të është jeta:

“Aty ku Rruga e Kombit u la rrugës, si një “grykë shishe” bllokimi e aksidentesh dhe ku po marrin formë gjymtyrët e munguara të saj…” shkruan nxënësi i Nolit mëngjesin e sotëm, se i Konicës nuk bëhet dot edhe pse e ka me shumë qejf. Faik Konica nuk prodhon dot bolshevik…