Ish-roja i kampit nazist, para gjykatës në moshën 94-vjeçare

Pas kaloi pjesën më të madhe të jetës në arrati, ish-roja e kampit nazist të Stuthof-it në Poloni, Johann Rehbogen, ka dalë para gjykatës në moshën 94-vjeçare. Ai akuzohet se ka ndihmuar dhe favorizuar vrasjen e qindra të burgosurve gjatë Luftës së Dytë Botërore.

Për shkak se ishte nën 21 vjeç në kohën kur shërbente si roje, ai do të përballet me drejtësinë në një gjykatë minorenesh deri në janar.

94-vjeçari, Johann Rehbogen, rrezikon të dënohet me 15 vjet burg.

Kjo çështje konsiderohet “simbolike dhe morale” pasi Gjermania vazhdon të kritikohet për trajtimin e vonuar të krimeve të kryera gjatë Rajhut të Tretë. Deri në vitin 2011 prokurorët kanë trajtuar çështjet e personave të përfshirë drejtpërdrejt në vrasje dhe jo bashkëpunëtorëve.

Ish-roja akuzohet se ishte në dijeni të vrasjeve masive nga qershori vitit 1942 deri në shtator të vitit 1944, kur shërbeu në kampin e Stutthof, ku rreth 65 mijë veta u vranë në dhomat e gazit.

Prokurorët i thanë gjykatës se i dyshuari kishte dijeni mbi metodat e vrasjes. Ish-roja uli kokën kur prokurori përmendi gazin vdekjeprurës Zyklon B.