Thaçi e Vuçiç takohen këtë javë në Bruksel

Presidenti i Kosovës, Hashim Thaçi dhe ai i Serbisë, Aleksandar Vuçiç, do të vazhdojnë dialogun këtë javë në Bruksel, raporton “Koha Ditore”.

Burimet e gazetës theksojnë se takimi i radhës pritet të mbahet të enjten ose të premten.

Takimi vjen në kohën kur janë intensifikuar debatet rreth marrëveshjes finale Kosovë-Serbi me këmbimin e territoreve si opsion që thuhet se po diskutohet mes dy presidentëve, me gjithë kundërshtimet e shumta në Kosovë dhe në disa shtete të Bashkimit Evropian