Gati marrëveshja për BREXIT

Teksti i Traktatit të Daljes së Britanisë nga Bashkimi Europian është gati dhe do t’i prezantohet nesër qeverisë britanike. Lajmin e dha kryenegociatori i BE-së për Brexit-in, Michel Barnier.

“Parametrat e një marrëveshjeje të mundshme janë përcaktuar, por tani ato kërkojnë mbështetje politike,” tha Barnier.

Bashkimi Europian dhe Britania e Madhe kanë punuar kryesisht për të gjetur një zgjidhje dhe për të evituar rikthimin e një kufiri fizik mes Irlandës, anëtare të BE-së dhe provincës britanike të Irlandës së Veriut.

Ekuacion i vështirë, që synon të mbrojë Marrëveshjet e Paqes të vitit 1998, për momentin ka bllokuar bisedimet.

Ndërkohë kryeministri spanjoll, Pedro Sanchez i ka kërkuar kryeministres britanike, Theresa May që të zhvillojë një referendum të dytë mbi Brexit-in.

“Britania është një vend i mrekullueshëm që ka pasur një ndikim pozitiv në BE dhe duhet të qëndrojë në Bashkimin Europian ose të hyjë përsëri në të ardhmen”, tha Sanchez për ”Politico”.