Bashkëbisedimi i opozitës/ Subvencionimi i Bujqësisë, Duka: Mëkat i madh, vetëm 20 mln €, pra 1 km rrugë…

Bujqësia është sektor jashtëzakonisht i vështirë prandaj s’ka edhe shumë PPP, tha ish-Ministri i Bujqësisë dhe deputeti aktual Agron Duka, gjatë bashkëbisedimit për buxhetin 2019 me perfaqësues të biznesit, ekspertë, gazetarë e grupe interesi, dhe duke qenë kështu, e gjithë bota e subvencionon qeverinë, kurse tek ne subvencionimi është vetëm 20 mln euro.

“Një fond i pamjaftueshëm që s’pasqyron rritje. Kjo shifër është 1 km rrugë me koston e Rilindjes,” tha Duka duke shtuar:

“Mëkat i madh që bujqësia subvencionohet me 1 km rrugë. Mendoni se në zonat rurale jetojnë 460 mijë familje fermere. Nëse ne pjesëtojmë shifrën me numrin e familjeve fermere, na del 45 euro për familje. Mendoni nëse disbursohen plotësisht, kur ato disbursohen vetëm 5-10 %.

Mendoni çfarë suvencionimi i bëhet bujqësisë. Subvencionime që sipas statistikave janë 10 herë më të ulëta sesa në Kosovë dhe 12 herë më të ulëta sesa në Maqedoni.”