Qeveria e Edi Ramës kundër taksës për produktet serbe. Në dhjetor, Rama me Serbinë…
Qeveria e Shqipërisë është deklaruar kundër biznesit vendës dhe Qeverisë së Kosovës lidhur me vendosjen e taksës në masën 100% ndaj mallrave serbe e atyre boshnjake.
Vendimi i Qeverisë së Kosovës për rritjen e taksave ndaj mallrave serbe në 100% është vlerësuar si jo e shëndetshme për ekonominë e dy vendeve, nga ana e ministrit të Financave dhe Ekonomisë së Shqipërisë, Arben Ahmetaj.
Ministri Ahmetaj i sugjeron Kosovës të mos marrë masa të tilla me asnjë vend, pasi vendosja e tarifave, sipas tij, shkon si kosto mbi qytetarët. Ndërsa për bizneset në Shqipëri masa e marrë nga Qeveria e Kosovës është e drejtë, por e vonuar në kohë, njëherësh edhe si mundësi dhe si një derë e hapur në rrugën drejt tregut të Kosovës.
Ndonëse kjo delaratë e Qeverisë së Edi Ramës është në kundërshtim me biznesin e Shqipërisë dhe Kosovës të cilët po punojnë drejtë unifikimit të tregut, ata e “mirëkuptojnë” duke theksuar se kjo deklaratë e ministrit Ahmetaj vjenë vetëm katër ditë pasi ai bëri një vizitë në Beograd dhe mund ti prish planet e Edi Ramës me Serbinë.
Arben Ahmetaj pas takimit me homologun serb Sinisha Malli, bënë të ditur se në muajin dhjetor, në mbledhjen e dy Komiteteve, në Tiranë do të firmoset Memorandumi i bashkëpunimit në bazë të cilit do të anulohet fare çertifikata fitosanitare si dhe do të lehtësohen procedurat doganore.
