Unaza e Re/ Gjykata vendos, Salianji: Standard i zi në Republikë!

Standard i zi në Republikë! Kështu e vlerësoi deputeti i Partisë Demokratike, Ervin Salianji, vendimin e   Gjykatës së Tiranës, për masën e sigurisë dhënë për banorët e arrestuar pjesëmarrës  në protestën e organizuar para Parlamnetit të Shqipërisë duke shtuar se janë shkelur themelet e së drejtës me një vendim të marr pa prova dhe pa ligj:

“Sot është vendosur një standard i zi në Republikë, kur nëse je trafikant, përdhunues, kriminel, bëhesh kryetar bashkie si Vangjush Dako, Elvis Roshi, si Prenga, si Ndoka, etj dhe nëse je protestues për të mbrojtur familjen tënde, pronën, dënohesh pa prova dhe pa ligj duke shkelur themelet e së drejtës.”

Prokuroria, tha deputeti i PD nuk kishte asnjë provë:

“Në mënyrë të turpshme, prokuroria tha se kemi prova 5 bidona dhe materiale plastike, prova tjetër ishin dy restela dhe dy pankarta me mbishkrime. Mbi këtë bazë jo vetëm u dënuan sot pasi të gjithë janë me masë sigurimi.  Të gjithë qytetarët që u paraqitën para gjykatës pa prova dhe pa ligj me vullnetin e Edi Ramës dhe Arta Markut mbahen sot të izoluar apo me detyrim.

Ndërkohë për qytetarin e dënuar sot i cili u arrestua në Spitalin e Traumës, Dorjan Protoduarin, ndërsa po kujdesej për shëndetin e mamasë pas protestës, deputeti i PD, ERvin Salianji u shpreh:

“Qytetari që sot u dënua me arrest me burg, të gjithë e kanë parë që ai nuk është arrestuar në flagrancë. Edhe me ligj lufte ndalohet kur ka shenjat e spitalit. A i keni parë qytetarët e tjerë që sot janë marrë zvarrë? A e dini ju që nuk janë bombat, shashkat që shiten në çdo cep të Tiranës. A e dini se Policia e Shtetit dhunon çdo ditë qytetarët e Tiranës.”