Zgjedhjet në PD/ Garë e fortë në Shkodër dhe Vlorë, një Ish-i përndjekur politik kryetar i ri në Shkodër

Zgjedhjet në PD/ Garë e fortë në Shkodër dhe Vlorë, Xhevdet Amuli merr Shkodrën me dy vota diferencë.

Xhevdet Amulli është kryetari i ri Partisë Demokratike në Shkodër.

Në zgjedhjet të cilat u zhvilluan sot, Amulli mori 243 vota, vetëm 2 më shumë se kandidati tjetër Ramiz Çobaj, i cili deri në këto momente drejtonte degën e PD-së në Shkodër.

8 vota janë shpallur të pavlefshme.

Garë e fortë u zhvillua edhe në Vlorë, ku kryetari i ri i PD u zgjodh vetëm me12 vota diferencë.

Genc Deromemaj është kryetar i ri i Partisë Demokratike në Vlorë.

352 votues kanë qenë pjesë e votimit të sotëm në Vlorë. Nga 352, vetëm katër vota kanë dale të pavlefshme.

Deromemaj ka marrë 12 vota më shume se sa kandidati tjetër, Gjergj Nika.

Ndryshe, kryetari i ri i PD Vlorë, Genc Deromemaj ka qenë kandidat i PD-së për kryetar i bashkisë Vlorë në zgjedhjet vendore të vitit 2015, nën logon e Partisë Demokratike.