Unaza e Madhe/ Banorët përplasen me policinë: “Po me nxirrni në rrugë, si të qetësohem?”
Pranë rrotullimit të Doganës në Tiranë, zbatimi i projektit Unaza e Madhe u përballë me një përplasje të madhe në mes të banorëve që po u shembeshin shtëpitë dhe policisë e cila me rudhër të Edi Ramës po ndihmon realizimin kriminal të këtij projekti.
Inspektoriati Kombëtar i Mbrojtjes së Territorit, IKMT, që për 24 orë pa kriter zbaton këtë projekt sa në Shkozë sa në Laprakë e tek Unaza e Re, në mesditë përfundoi tek rrethrrotulli tek Dogana ku u zhvillua një dramë e vërtetë.
Forcat e policisë nxorrën me forcë banorët që nuk kanë pranuar të dalin nga banesa, ndërkohë kordoni i policisë po përplasej me banorët dhe nga ana tjetër po garantonte shembjen e sigurt nga ana e fadromës së IKMT:
“Po me nxirrni në rrugë, kam punuar tërë jetën për këtë shtëpi, si të qetësohem, si ka mundësi që veproni kështu, si ka mundësi që po ndodh kjo?” po pyesye pronarja e shtëpisë mes lotëve e cila ende nuk e ka të qartë se pse po shembin shtëpinë ndërsa po bënte përpjekjet e fundit për të shpëtuar shtëpinë e cila ishte tashmë nën kthetrat e fadromës së Erion Veliajt, kur tensionet arriten edhe kulmin:
Në vendngjarje vazhdojnë të jenë deputetët e opozitës në mbështetje të banorëve.
Deputeti i Partisë Demokratike, Klevis Balliu këtë veprim të kryeministrit Rama e konsideron si arrogancë të hapur e të paprecedentë:
“Zonja do të diskutojë si njeri, nuk po e degjojnë,” tha Balliu, duke ftuar banorët të marrin shembull nga Franca
“E patë çfarë ndodhi në Francë, fitoi e drejta.Ju bëjë thirrje të merrni shembull nga Franca,” tha ai duke i bërë thirrje edhe policisë të bashkohen me banoret protestues.
“I bëjë thirrje edhe policisë të veproj si në Francë që u bashkuan me protestuesit. Policia këtu t’ja hedhë surratit kapelet Ramës se përvec se ia ka përlyer me kanabis nuk i ka bërë asgjë tjetër. Rama do na ketë te dera,” tha ai.
Për pak minuta pamja tek rrethrrotullimi i Doganës ishte ajo e kënaqësisë së Edi Ramës, që zili i ka edhe Kafr Zita ose Alepo që nuk arritën të shkatërohen kaq shumë në Siri.
