Vettingu në Politikë/ Komisioni i Venecias: Kërkesa e opozitës është legjitime. Si do të zbatohet e vendos…

“Për shkak të rrethanave specifike aktuale në Shqipëri, futja e një mekanizimi special verifikimi për zyrtarët publik duket si një qëllim legjitim”. Kështu thekson Komisioni i Venecias në opinionin e tij lidhur me kërkesën e opozitës për Vetting në Politikë ndërkohë që këtë kërkesë e quan legjitime ai rekomandon që vendimin përfundimtar se si do të  funksionoj dhe me cilat mekanizma e merr Parlamenti.

Duke e konsideruar verifikimin me qëllim shkëputjen e lidhjeve me krimin e organizuar si një mjet legjitim që e justifikon situata aktuale në Shqipëri ekspertët e Komisionit të Venecias sqarojnë:

“Çështja e kontakteve të ngushta të anëtarëve të parlamentit, këshillit bashkiak ose zyrtarët qeveritare, me krimin e organizuar, janë një problem në Shqipëri. Siç tregojnë edhe rezultatet e para të procedurës së vettingut të gjyqësorit, ndërlidhja e institucioneve shtetërore dhe krimi i organizuar duket të jetë shumë i lartë. Kjo pengon besimin në institucionet e shtetit dhe delegjitimon funksionimin e tyre.”

Dhe jo vetëm kaq!

“Nëse krimi i organizuar është duke qeverisur institucionet shtetërore ose të paktën ka një ndikim në punën e tyre, parimet e shtetit ligjor nuk mund të zbatohen në praktikë. Në një shtet të qeverisur ose të ndikuar nga krimi i organizuar, parimet e dinjitetit, barazisë apo ligjshmërisë, janë lënë mënjanë,” thekson Komisioni i Venecias në draft-opinionin e përgatitur prej 20 faqesh ndërsa rikutjon konkkluzionin për Ligjin e Dekriminalizimit  ku  “skualifikimi që anulon një mandat zgjedhor nuk duhet të konsiderohet si kufizim i demokracisë, por si një mjet për ta ruajtur atë”.

Por Komisionii Venecias rekomandon gjithsesi se është Parlamenti ai i cili vendos:

“I takon Parlamentit shqiptar të vendosë mbi hapat e ardhshëm në lidhje me amendamentet kushtetuese përmes dialogut konstruktiv midis të gjitha forcave politike dhe të shoqërisë në përgjithësi, në interes të demokracisë shqiptare.”

Si do të funksionojë vettingu në politikë, mekanizimin dhe trupën që do ta kryejë procesin janë çështje që duhet të qartësohen thekson Komisioni i Venecias duke ngritur 7 çështje që duhen adresuar me amendamentet kushtetuese të opozitës, ku si shqetësim kryesor padyshim që janë masat kundër zgjedhjes apo ndërprerja e mandatit të jenë proporcionale me realitetin politik.

Ndryshe, vendimin përfundimtar, Komisioni i Venecias pritet  ta marrë më 15 dhjetor.