Protesta e Studentëve/ Edi Rama nuk bindet, studentët avancojnë: Bojkot Kombëtar!

Pas monologut të kryeministrit kur u bë e ditur se Edi Rama nuk po përfill 8 kërkesat e studentëve që vazhdojnë të protestojnë para Ministrisë së Arsimit,

Këshillat Studentorë pas një mbledhje mbrëmjen e së hënës, i bënë thirrje të gjithë studentëve, nxënësve, pedagogëve,mesuesve dhe qytetarëve për mbështetje:

“Nesër nga ora 8:00 e mëngjesit deri në orën 10:00 të ketë bojkotim kombëtar të mësimit dhe më pas marshim në shenjë proteste.”

Deklarate e Këshillave Studentorë:

Këshillat studentorë pas mbledhjes në orën 17:00 kanë vendosur që nesër nga ora 8:00 e mëngjesit deri në orën 10:00 të ketë bojkotim kombëtar të mesimit dhe më pasmarshim në shenjë proteste.

Ne i bëjmë thirrje Kryeministrit të na plotësojë 8 pikat e dorëzuara në MASR. I bëjmë thirrje të gjithë studentëve, nxënësve, pedagogëve, mesuesve dhe qytetarëve të na mbështesin në këtë kauzë të na mbështesin në kauzën e drejtë të fëmijëve tuaj, studentëve shqiptar.