Protesta e Studentëve/ Në pritje të zgjidhjes së 8 kërkesave, Edi Rama shpikë dhe “zgjidhë” të 9-ën…

Loja me nervat e kryeministrit nuk ka ndikuar në mbarëvajtjen e protestës. Gjithsesi, nga mbledhja e qeverisë deri në lajmërimin për dorëheqjen e ministres Lindita Nikolla asgjë nuk ka ndryshuar me kërkesat e studentëve.

Mediat në shërbim të Edi Ramës informuan se protestuesit janë të përçarë por ata përveç koordinimit dëshmuan sot se vendimmarrja e tyre ndryshon shumë nga ajo e kryeministrit.

Sot ata kishin vendosur të protestojnë para Ministrisë së Arsimit dhe Kryeministrisë por për nesër strategjia e tyre ndryshon:

“Nesër të gjithë studentët do të protestojnë para parlamentit, ne nuk do të lejojmë që kazani ashtu si preferon ta thotë dikush, të diskutojë llogje pa vlerë në atë parlament, ne jemi përfaqësuesit më dinjitozë, do të protestojë bashkë, vatra do të jetë nesër një, nesër në të njëjtin vend, jemi në një kauzë, jemi një, vetëm studentë, ne që ëndërrojmë Shqipërinë Evropiane,” bënë të ditur përfaqësuesit e protestuesve ndërkohë reaguan edhe pas lajmit se pritet dorëheqja e ministres Nikolla.

“Nuk duam dorëheqjen e ministres. Kushdo që të vijë do bëjë të njëjtën gjë. Ne duam të plotësohen kërkesat tona,” u shprehën studentët e habitur me kryeministrin Edi Rama I cili nuk shqyrton 8 kërkesat e tyre por shton një të nëntë që nuk ndikon fare në jetën e tyre studentore.

Ndërkohë për dialogun të cilin vazhdonta kërkoi kryeministri, njëri prej studentëve shprehet se është i panevojshëm: “Politikaka 28 vjet që na ka sjellë në këtë derexhe. Kur padrejtësitë bëhen ligj,rezistenca bëhet detyrë. Nuk ka konsensus, plotësoni kërkesat tona. S’ka dialog, s’ka negociata. Është vetëm një firmë. Mjaftontë plotësohen 8 kërkesat, është shumë e thjeshtë,” tha ky student që është dhemendim i palëkundur i të gjithë bashkëuvajtësve të tij.