Protesta e Studentëve/ Dita e 12-të: Tetë kërkesa të panegociueshme, s’ka dialog…

Protesta e  studentëve para kryeministrisë ka vazhudar edhe në ditën e saj të 12-të me kërkesën e qartë për kryeministrin për plotësimin e 8 kërkesave të panegociueshme.

 “Kryeministri le të plotësojë 8 pikat, s’ka nevojë për dialog,” u shpreh njëri prej studentëve ndërkohë një kolege e tij ka një mesazh të prerë për kryeministrin që vazhdon e flenë në rrjetet sociale:

“Kjo është bërë më shumë një lojë nervash. Nëse ai do të tregojë nervat ne do të qëndrojmë këtu, dovazhdojmë bojkotin e mësimit dhe protestën.”

Sot në mbështetje të studentëve ishin edhe qytetarët ndërsa për nesër është paralajmëruar protestë kombëtare ku pritet të mbështeten edhe nga forumet rinore të PD dhe LSI.

Axhenda për protestën kombëtare ende nuk është pacaktuar ndërkohë është folur për përshkallëzim të protestës dhe disa skenarë të mundshëm. Mendohet që një grup të vazhdojë të qëndroj para Kryeministrisë ndërkohë të bllokohen rrugët, e disa kanë propozuar madje edhe ngujimin nëpër fakultetete.