Kryeministri në Vlorë, Studentja: I keni 8 pika, thoni vetëm: PO ose JO! Rama: Jeni në terezi apo jo! O zot…
Nuk din të organizoj një takim me studentët as në zonën e tij elektorale dhe drejton vendin. Takimi i sotëm i Edi Ramës në Vlorë u jep të drejtë studentëve që nuk duan dialog me kryeministrin.
Ai nuk u përplas me protestuesit në Tiranë por kjo i ndodhi në Vlorë, aty ku mendoi se lehtë e ka me të vetët, por jo, e gjitha filloi në një kaos, si jashtë ashtu edhe brenda Universitetit “Ismail Qemali”.
“Ju këtë protestë e keni keqkuptuar. Ne nuk duam të rrëzojmë qeverinë. Ne kërkojmë disa të drejta shumë bazike për secilin për nesh. Bëjmë leksione në salla pa ngrohje, dhe pedagogë që nuk janë të përgatitur. Ju zotëri i keni 8 pika, të zeza mbi të bardhë. Ju marrësi thoni vetëm : PO ose JO! i tha një studente kryeministrit, por Edi Rama jo për herë të parë tentoi të manipuloi jo vetëm studenten që iu drejtua:
Rama: Hajdeni brenda
Studentja: Do vijmë të gjithë po erdhëm, jo unë, të tërë.
Rama: Një minutë.
Studentja: Jo një minutë, se kështu bëni edhe për kërkesat ju, një minutë. Tani! Jeni burrë shteti thuaje llafin para një vajze
Rama: Hajdeni brenda
Studentja: O do futemi të tërë, jo unë
Rama: Një minutë
Studentja: Thuaj po apo jo
Rama: Një minutë, do dëgjosh
Studentja: Nuk dëgjoj, o zotëri ti ke qejf monologet edhe unë kam qejf monologet
Rama: Dëgjo këtu…
Studentja: Nuk dëgjoj, po apo jo…
Rama: Dëgjo…
Studentja: Nuk ka dëshirë të plotësojë kërkesat.
Dhe jo vetëm kaq! Kaosin Edi Rama e transferoi edhe brenda sallës pavarësisht se me porosinë e tij bëhej fjalë për anëtarë të FRESSH-it.
Interesimi për të marrë pjesë në debat me kryeministrit ishte i madh por ulëse kishte pak. Shumë prej studentëve ngelën në këmbë, madje edhe mes rreshtave por kjo i pengoi shefit të Kullës së Fluturave që nuk e njeh realitetin, dhe ccuditet se si mund ti zihet pamja një studenti që është ulur:
“Dil moj aty anash, si do i dalësh para njerëzve po përmbysni normalen e edukatës, jeni në terezi apo jo, dua të kem përballë, dhe u del para të tjerëve. O zot, uluni në tokë aty, se ju mpihen gjunjët, jo në gjunjë, më mirë në tokë aty, perfekt,” gërthiste njeriu që për shumë kohë ishte pedagog por pedagog nuk u bë kurrë.
Por edhe ky takim si ata që zhvilloi në Tiranë, nuk ngelën pa u kap nga pedagogët që në universitet bëjnë punën e tyre. Ata kanë denoncuar se në sallë janë futur vetëm ata që janë anëtarë të FRESSH dhe këtë e ka bërë publike deputetja e PD, Nada Meçorapaj. Ajo sjell edhe një video ku shihet se si bëhet seleksionimi i studentëve që duhet të hyjnë në takim me Edi Ramën.
