Sot Shqipëria në Protestë!

Sot, rikthimi i opozitës në seancën plenare të Parlamentit të Shqipërisë për t’i kërkuar mazhorancës ndryshimin e buxhetit për arsimin e lartë, do të shoqërohet me një protestë mbarëkombëtare jashtë sallës së Parlamentit.

Kjo protestë e thirrur nga studentët do të mbështetet edhe nga partitë opozitare, ndërkohë përveç thirrjes që i kanë bërë strukturat e PD-së në gjithë vendin qytetarëve që të bashkohen sot përpara Parlamentit në orën 10:00 për të protestuar kundër padrejtësive që po prodhon qeverisja e Edi Ramës, kryetari i Partisë Demokratike, Lulzim Basha, përsëriti këtë thirrje edhe në protestën me banorët tek Unaza e Re që janë të prekur nga projekti  Unaza e Madhe:

“Dua t’u drejtoj një thirrje qytetarëve të bashkohen me studentët masivisht në protestën para Kuvendit. E vetmja rrugë për ta sprapsur të keqen është të jemi bashkë të vendosur dhe të përballemi. E vetmja shpresë e kësaj bande hajdutësh është të përçajë shqiptarët, të helmojë shqiptarët, të hedhë shqiptarët kundër njëri tjetrit.”

Duhet ti falenderojmë studentët që na kanë dhënë një mesim të madh, tha Lulzim Basha, që po të qendrojmë bashkë do të arrijmë ta mundim të keqen:

“Dhe me këtë mësim që na kanë dhënë bijat dhebijtë tanë më të rinj, i ftoj të gjithë shqiptarët që të nisim që nesër një rezistencë totale për tu përballur dhe për ta mposhtur të keqen,” tha kryetari i PD, Lulzim Basha, duke përfunduar:  

“Ju ftoj të gjithë duke përfshrë edhe banorët eUnazës së Re që nesër të jemi të gjithë para Kuvendit në një protestë sa më të madhe qytetare, studentore, rinore dhe kombëtare dhe për të nisur së bashku një betejë për mundin e së keqes dhe për çlirimin e vendit nga errësiraqë ka pllakosur.”

Ndërkohë, kryetari i Grupit Parlamentartë PD, Edmond Spaho, kërkoi në Konferencën e Kryetarëve në Parlament që opozita sot të ketë të drejtë fjale gjatë diskutimeve për dekretin e Presidentit për buxhetin e shtetit, pasi do të ngrejë shqetësimin e studentëve që protestojnë prej 14 ditësh: 

“Kemi katër muaj që themi kur të shqyrtohen amendamentet kushtetuese, opozita do të jetë në Kuvend. Së dyti, do të jemi në Kuvend për të shprehur mbështetjen për ata studentë që po protestojnë përpara Kryeministrisë.”