Nisin meshat e Krishtlindjes

Besimtarët e krishterë shqiptarë kanë filluar që prej mesnatës cermonitë e tyre të shënuara të Krishtlindjes,
një nga kremtet më të rëndësishme në kalendarin festave të krishtera.

Pas festave në familje, besimtarët u janë drejtuar kishave dhe katedraleve për meshën solemne të mesnatës.

Në vigjilje të festës, krerët fetar u kanë bërë besimtarëve thirrje për më shumë dashuri, ndihmë e përkushtim ndaj njëri tjetrit. Arqipeshkvi Metropolit i Tiranë Durrësit, imzot George Frendo, në mesazhin e tij drejtuar besimtarëve katolikë, bëri thirrje që “t’u japim dorën atyre të cilëve ua kemi mohuar deri tani. Kemi zbuluar Krishtin. Kemi gjetur një rrugë të re që na çon drejt gëzimit të vërtetë,” tha imzot Frendo. Ndërsa Kryepeshkopin e Tiranës, Durrësit dhe i gjithë Shqipërisë, Anastas Janullatos në mesazhin e tij thekson se “Ndërgjegjësimi për praninë e Fjalës së mishëruar të Perëndisë shpërbën retë e pasigurisë, si dhe çdo frikë e shqetësim.”

Festimet do të vazhdojnë sot gjatë gjithë ditës:

E Marte, 25 Dhjetor 2018

Ora 00:00 Mesha Vigjilje e Krishtlindjes

Ora 11:00 Mesha e Dites e Krishtlindjes

Ora 17:00 Mesha e Mbremjes së Krishtlindjes

Arqipeshkvia Metropolitane Tiranë – Durrës Ju uron:

Krishtlindje dhe Vit të Ri 2019 plotë gëzime!

Prishtinë, në Katedralen “Shën Nënë Tereza”

Ndërkoh për nder të kësaj feste Ipeshkvia e Kosovës organizon: 

E martë, 25 dhjetor 2018 – Dita e Krishtlindjes

Ora 00:00: Mesha solemne e Krishtlindjes në Katedralen Shën Nënë Tereza Prishtinë, të cilën do të udhëheq ipeshkvi i Ipeshkvisë Prizren-Prishtinë, SH. T. Imzot Dodë Gjergji.

Ora 11:00: Mesha në Katedralen Shën Nënë Tereza Prishtinë.

Ipeshkvi Imzot Dodë Gjergji, do të kremtoj meshën e Ditës së Krishtlindjes në Katedralen Zoja Ndihmëtare në Prizren, në ora 11:00.

Ju presim me gëzim dhe dashuri!

Për shumë mot Krishtlindja!