Pas sulmit me bombë në Egjipt, policia vret 40 militantë

Policia egjiptiane sot në orët e para të mëngjesit ka vrarë 40 militantë të dyshuar për planifikimin e disa sulmeve në vendet turistike, njofton Ministria e Brendshme në Kairo.

Ky aksioni i policisë egjiptiane vjen pasi të premten, tre turistë vietnamezë dhe një udhërrëfyes egjiptian u vranë ndersa 10 persona të tjerë u plagosën kur një bombë goditi autobusin në të cilin ishin ata rreth 4 kilometra afër Piramidave të famshme të Egjiptit, raporton RFE.

Sulmi me bombë është sulmi i parë vdekjeprurës kundër turistëve të huaj në Egjipt brenda një viti. Ende nuk është raportuar se kush ka kryer sulmin.

Ekstremistët islamikë, duke përfshirë militantë të lidhur me Shtetin Islamik janë aktivë në Egjipt dhe kanë pasur për cak turistët gjatë viteve të kaluara.

Turistët ishin duke shkuar në një shfaqje të Piramidat, tha Lan Le, njëri nga vizitorët.

Ministria e Brendshme e Egjiptit tha se sulmi është kryer nga një bombë me një pajisje të improvizuar që ishte fshehur afër një muri.