Engel: Pres të punojmë bashkë për të mirën e SHBA dhe Kosovës

Pas urimit që Presidenti i Kosovës, Hashim Thaçi, i bëri Eliot Engelit për mandatin e ri si Kryetar i Komitetit për marrëdhënie me jashtë në Kongresin Amerikan, Engel duke falënderuar Thaçin tha se edhe ai pret që të punojnë se bashku për të mirën e popullit të ShBA-së dhe Kosovës.

“Faleminderit Presidentit Hashim Thaçi për fjalët e tua të mira. Unë pres që të punojmë se bashku për të mirën e popullit të Shteteve të Bashkuara të Amerikës dhe Kosovës,” thekson Eliot Engel përmes rrjetit social Twitter.

Ndryshe, Presidenti i Kosovës, Hashim Thaçi ka uruar Eliot Engel për mandatin e ri si Kryetar i Komitetit të për marrëdhënie me jashtë në Kongresin Amerikan duke theksuar se Engel ishte ndër personalitetet kyçe të lirisë, pavarësisë dhe njohjes së Kosovës.

“I nderuari Eliot Engel, urime për mandatin e ri si Kryetar i Komitetit për marrëdhënie me jashtë në Kongresin Amerikan. Ju keni qenë ndër personat kyç për lirinë e Kosovës, pavarësinë dhe njohjen ndërkombëtare. Presim bashkëpunim të mëtejmë për marrëveshjen përfundimtare të paqes,”thekson Thaçi përmes rrjetit social Twitter.