Protesta në fakultete/ Reagon ashpër Zv/kryeministri: Boll më dhunë. Hapni shkollat…

Pas heshtjes së kryeministrit Edi Rama ndaj 8 kërkesave të studentëve dhe zbavitjes së tij me situatën e krijuar para  Kryeministrisë me protestat e studentëve, sot këta të fundit bojkotimin e mësimit e shoqëruan me prezencën në fakultete duke u tërhequr nga modeli shembullor i protestës për të cilin çdo sekondë fliste kryeministri.

Por kjo ka acaruar kryeministrin dhe ka ndërsyer zv/kryeministrin e sapoemëruar Erion Braçë që të merret me këtë mënyrë të re protestimi.

Zv/kryeministri Braçe, duke ngatërruar Komisionin e Ekonomisë me Studentët, me një gjuhë mjaft të ashpër i është drejtuar studentëve duke i krahasuar me dy partitë opozitare me të cilat shefi i tij vazhdon luftën me gjuhë, lugë e pirunë, PD dhe LSI

“Kjo është #Dhunë.  #Dhunë e vjetër sa dy partitë-njëra e stërvjetër dhe tjetra e kthyer e vjetër shumë shumë shpejt, ushtarët e të cilëve kanë shpërthyer në #dhunë brenda shkollave,” thekson Braçe dhe ashtu sikur se Edi Rama i bënë thirrje studentëve që protestojnë ti hapin shkollat, sepse si ai dhe kryeministri janë bindur se kjo ësht ënjë pakicë që pengon shumicën për të vijuar mësimin normalisht.

Reagimi i plotë:

KJO ESHTE #DHUNE

#Dhune e vjeter sa dy partite-njera e stervjeter dhe tjetra e kthyer e vjeter shume shume shpejt, ushtaret e te cileve kane shperthyer ne #dhune brenda shkollave.

#Dhuna nuk ka lidhje me #shkollen, madje nuk ka lidhje me as me procesin mesimor.

#Dhuna tani ka lidhje me #Pushtetin.
#TeteKerkesat jane tejkaluar prej ditesh te tera dhe ju adresohen studenteve si zgjidhje edhe me te gjera se sa u kerkua.

Por #Dhuna nuk ka lidhje me to; #Dhuna nuk donte zgjidhje qe ne nisje.

#Dhuna eshte instrumenti i ketyre per tek #Pushteti banal qe duan te rikthejne!

E mbani mend; Ishte dhe rikthehet ne Vitrinen e Kristalte ku shkelqente sistemi i tyre i arsimit te larte, banal dhe i korruptuar, #kriminal.

#BollmeDhune
#HapniShkollat
Konfliktin qe po e kerkoni me cdo kusht, nuk do ta gjeni.

Ne as rrahim e as vrasim kend sic ideologu i dhunes beri po ne Janar!

Hiqni dore nga dhuna mbi institucionet dhe te ndryshmin nga ju kudo, duke nisur nga shkollat; #HapniShkollat per studentet qe duan mesimin!