Efektet e Reformës në Drejtësi/ Prokuroria e Arta Ulsi Markut: Mund të vjedhësh 40 milionë euro, por jo të ndërsesh një qen…
Që Reforma një Drejtësi nuk do të jep ndonjë efekt tek qytetarët e thjeshtë të këtij vendi, askush nuk e ka vënë në dyshim, por që Prokuroria e Edi Ramës, me Kryeprokuroren e cila për Baba shpirtëror ka Ulsi Manjën, të degradohet deri në këtë pikë, këtë nuk e kishte menduar as kryeprokurori më kriminel në historinë shqiptare, Arianit Çela.
Deri sa Partia Demokratike publikon çdo ditë dokumente që implikojnë gjithë kabinetin qeveritare të Edi Ramës për projektin korruptiv te Unaza e Re, me tendera të fituar në këto lote me dokumente të falsifikuara, dhe pritej arrestimi i keqbërësve nga Arta Ulsi Marku, kjo e fundit bënë hap madhor në zbulimin e gjithë falsifikimeve të qeverisë, Taut &Co. me trafikantët ndërkombëtarë të drogës: Arreston protestues që janë kundër prishjes së shtëpive të tyre dhe i ndërsejnë qenin Policisë së Shtetit.
Sipas dosjes së Prokurorisë e cila me përfundimin e hetimeve ka ngritur akuzën ndaj banorit te Unaza e Re, Dorian Protoduari, e që është publikuar nga vetë banorët, thuhet se Doriani ka ndërsyer qenin ndaj punonjësve të policisë dhe kjo përbën një vepër penale.
“Dorian Protoduari, jo vetëm që nuk ka pranuar të shoqërohet prej tyre por për të penguar punën e tyre ju ka ndërsyer atyre një qenë, që kishte nxjerrë nga një ambient pranë tij, duke përdorur për kafshën edhe fjalë nxitëse se “këta janë këlyshë e zagarë të pushtetit”. Për pasojë punonjësit e policisë së rendit publik, nuk kanë patur mundësi të tjerë për të kryere shoqërimin e tij dhe kanë kërkuar ndihmë nga shërbime të tjera, e me ndihmën e punonjësve të tjerët të strukturave të policisë, kanë bërë të mundur shoqërimin e të pandehurit dhe pyetjen e tij,” thuhet në dosjen e Prokurorisë.
Ndërsa banorët e Unazës së re në rrjetin social Facebook shkruajnë me ironi se nxitja e qenit është vepra kryesore penale për të cilën është akuzuar Dorian Protoduari.
NDËRSIMI I QENIT përbën Kundërshtim të punonjësit të policisë së rendit publik, kësisoj edhe Vepër Penale me bazë ligjore 236/1 të Kodit Penal
Madje thirrja që Dori i paska bërë qenit përballë policëve, SE “KËTA JANË KËLYSHË E ZAGARË TË PUSHTETIT” quhet edhe veprim aktiv e nixitës, sipas tyre, dhe fakti kryesor si kundërvajtje penale.
Sot, të gjithë pesimistët e Reformës në Drejtësi e kanë për detyrë të kërkojnë falje dhe ta falemnderojnë çiftin Vlahutin-Lu, që nëse asgjë tjetër, arritën një sukses përmes kësaj Reforme, në këtë tokë pa president, kryeministër dhe sistem gjyqësor: Qytetarët më nuk mund t’ia ndërsejnë qenin policit të ish-gjeneral Lleshajt!
