Gjykata Speciale, Sami Lushtaku intervistohet në Hagë

Deputeti i parlamentit të Kosovës, Mërgim Lushtaku, shoqëroi deri në hyrje të objektit të Gjykatës Speciale babain e tij, ish-komandantin e UÇK-së, Sami Lushtaku, i cili është ftuar për intervistë nga Gjykata Speciale, ku dhe pyeti se kur do të vjen dita që të gjykohen krimet serbe. 

“Paqe nga Haga”

Gjithmonë i gatshëm për të dëshmuar pastërtinë e luftës së drejtë të Ushtrisë Çlirimtare të Kosovës. 

Njëherë në gjykatat e UNMIK-ut, më pas të EULEX-it, tani në Gjykatën Speciale dhe çdo gjykatë tjetër që do të mund të themelohet në të ardhmen, do të jem gati që ta mbroj luftën e Ushtrisë Çlirimtare të Kosovës e cila ka qenë e drejtë dhe për liri të cilën e gëzojmë të gjithë bashkë në Kosovë.

Mirëpo, kur do të vijë dita për gjykim dhe drejtësi ndërkombëtare për:

1. Vrasjen e 13,900 civilëve shqiptarë nga shteti serb,

2. Kryerjen e 400 masakrave,

3. Dhunimin e 20 mijë grave shqiptare,

4. Mijëra shqiptarë ende të pagjetur,

5. Spastrimi etnik i mbi një milion shqiptarëve.

Secili shqiptar, une dhe ti që po e lexon këtë tekst beson në pastërtinë e luftës së UÇK-së, beson në drejtësi,” tha ai.