Kalaja e Banatit, arsye pse Putin viziton Beogradin…

Është folur shumë për arsyet se pse njëri prej liderëve më të fuqishëm në botë, Vladimir Putin po viziton Beogradin, por tashme kur ai ka prekur tokën serbe dhe avioni i tij u ul në Aeroportin “Nikolla Teslla” në Beograd u zbulua edhe arsyeja e vërtetë që është shumë më shumë se sa prezenca në Evropën Juglindore ose edhe absurdi me çfarë u helmuan serbët e shtetit më të ri në Evropë, Kosova.

Televizioni publik i Serbisë, RTS, duke raportuar se vizita e Presidentit të Rusisë sjellë punë të reja që do të garantojnë çështjen energjetike, thekson se do të firmoset një marrëveshje në fushën e biznesit të gazit, zgjerimi i impiantit për deponimin e gazit “Banatski Dvor” /lexo shqip: Kalaja e Banatit/ si dhe projekteve të përbashkëta të zhvillimit të infrastrukturës për prodhimin dhe shitjen e gazit, që pritet ta shndërron Serbinë në një faktor të rënëdësishëm evropian të këtij biznesi .

Kë shtu, aktualisht “Kalaja e Banatit” ka kapacitet 450 milionë metër/kub gaz, e për zgjerim, vetëm në fazën e parë është parashikuar deponimi i 750 milionëve metër/kub gaz dhe investimet që kjo sasi të rritet deri në 1 miliardë metër/kub gaz.

“Disa zgjidhje teknike janë përcaktuar, ne presim vendimin e shpejtë për investime. Bartës të këtij projekti do të ishin kompania e deponimit nëntokësor të gazit “Kalajaj e Banatit”, e cila ka kapacitete të mjaftueshme që ta udhëheqë këtë projekt si dhe ta realizoj përmes financimit projektues,” tha ministri serb i Energjetikës, Aleksandar Antiç.

Në “Gasprom” dhe “Srbijagas” llogarisin se me këtë investim do të garantohen kushte më të mira për blerjen e gazit ndërsa kostoja e transportit do të bie për katër herë.

“Çdo gazsjellës i mirë duhet të ketë edhe pjesën që ka të bëjë me deponimin e gazit gjatë periudhës së verës kur konsumi është shumë më i vogël. Është shumë e rëndësishme sepse planet energjetike që duhet të zhvillohen në Serbi duhet të bazohen në gazin natyror,” tha Vojisllav Vulletiç nga Shoqata për gaz e Serbisë.

Bota e biznesit serb në fushën e gazit është e bindur se bashkëpunimi me rusët në zhvillimin e infrastrukurës së gazit sjell teknologjinë më moderne në Serbi për ndërtimin e terminalit LNG për gaz natyror si dhe ndërtimin e centraleve me gaz. Kjo sipas tyre sjell edhe mundësi të reja.

Pse banorët e kësaj treve të Vojvodinës ankohen për ndërtimet në gazsjellës rus dhe tashmë edhe deponi super të fuqishme, më së miri e sqaron Ish diplomati serb, Sreçko Gjukiç, ndërsa flet për këtë biznes në Evropë dhe pse është aktual më shumë se kurrë. Gjukiç thekson se në këtë rast, gazi do të tërhiqej edhe nga rrjeti evropian i gazjsellësit.

“Dmth, me gazin tregtohet në tregun evropian ashtu siç tregtohet  me energji elektrike. Në fakt, ne duhet të kuptojmë se Evropa jeton me gaz dhe se gazi është garancia e vetme ekologjike dhe siguria për Evropën,” tha Sreçko Gjukiç.

Kompania Elektroenergjetike e Serbisë, EPS, me kompaninë ruse “Silovije mashini” tashmë janë duke punuar në revitalizimin e HEC-it Gjerdap 2. Me këtë ndërhyrje HEC-it ësht parashikuar që jo vetëm ti rritet kapaciteti për 50 MW por edhe ti zgjaten vitet e punës për të paktën për 30 vjet.”