Veseli: Rusia drejt njohjes së shtetit të Kosovës

Kryetari i Parlamentit të Kosovës, Kadri Veseli tha se Rusia është duke shkuar drejt njohjes së Republikës së Kosovës ndersa ka shfaqur shpresën që Kosova do të jetë pjesë e Organizatës së Kombeve të Bashkuara gjatë këtij viti.

“Vizitën e presidentit rus, Vladimir Putin në Serbi, merreni si diçka pozitive. Ne jemi me Amerikën, jemi vend perëndimor. Fqinji ynë në pjesën veriore po pretendon me qenë mirë me partnerët tanë, por po i hap dyert Rusisë. Sidoqoftë, në vizitën e Putinit në Serbi, pas takimit me presidentin e Kosovës, Hashim Thaçi, janë thënë të njëjtat mesazhe, sikurse me presidentin tonë. Rusia është duke shkuar drejt njohjes së Republikës së Kosovës”, tha Veseli pas mbledhjes së kryesisë së Parlamentit të Kosovës, raporton RFE.

Ndryshe, Presidenti i Rusisë, Vladimir Putin ka qëndruar dje në Beograd. Ai gjatë një konference për media, së bashku me presidentin serb Aleksandar Vuçiç, tha se “Rusia pajtohet që Beogradi dhe Prishtina të arrijnë një marrëveshje të pranueshme reciproke në përputhje me rezolutën 1244”