Drejtë mosbindjes qytetare/ Protesta në Beograd: Aleksandar Vuçiç, ky është fundi!
Protesta qytetare e shtatë me radhë në Beograd, me moton “Njëri prej pesë milionëve”, sonte filloi nga Fakulteti Filiozofik për të vazhduar përmes Bulevardit drejtë kryeqendrës së Serbisë.
Aktori Branisllav Trifunoviç duke ju drejtuar protestuesëve tha se qëllimi i protestës është që kjo e keqe dhe ky sistem të ndryshoj.
“Njëri prej lajmeve më të mira është se kemi marrë mbështetje nga 105 profesorë të Fakultetit Filozofik. Kjo protestë qytetare do të bëhet një ortek që nuk do të ketë njeri që do të mund të ndaloj,” tha Trifunoviç dhe lexoi një letër me kërkesat drejtuar qeverisë dhe opozitës, ku theksohet se qytetarët nuk dëshirojnë pushtet por shërbim për qytetarë.
“U ngopëm me komandanta, nuk na intereson se sa flejnë gjumë presidenti. Dëshirojmë njerëz normal që do të punojnë atë për të cilën paguhen. Dëshirojmë që të na përcaktoni se si do të mund t’ju kontrollojmë, se si do të mund t’ju shkarkojmë nëse nuk do të jeni të vyer, ti shkruani të gjitha këto, ti prezantoni dhe ti firmosni,” tha Trifunoviç.
Më pas fjalën e mori aktori Nikolla Kojo i cili presidentit Aleksandar Vuçiç i tha se ka marrë kot dhe se ka ndalur rrjedhën normale të energjisë, dashurisë dhe gëzimit.
“Aleksandar Vuçiç, ky është fundi. Ke sulmuar kapitalin, resurset e këtij populli. Ke shfrytëzuar mungesën tonë të guximit që ti kundërvihemi kësaj plaçkitjeje,” tha Kojo duke i kërkuar protestuesëve që më mos e gjuajnë me vezë godinën e televizionit publik, RTS, sepse kjo është pronë e të gjithë qytetarëve.
“Qëllimi jonë përfundimtar është që të shkojmë deri në fund, te bllokimi, te mospagesa e asnjë gjëje, deri tek mosbindja qytetare,” tha Kojo.
Pjesëmarrësit e protestës së shtatë me radhë “Njëri prej pesë milionëve” sonte mbanin pankarta ku ndër të tjera shkruante, “Zgjohu, dhe ngritu Serbi”, “Na thonë që është më mirë, por në Postë kurrë nuk ka qenë më keq” etj. Protesta të ngjashme janë organizuar edhe në qytetet e Kragujevcit dhe Kralevës ndërsa mbrëmë në Novi Sad, Nish, Çaçak, Shabac dhe Zajeçar.
