Parlamenti i Greqisë miraton marrëveshjen për emrin e Maqedonisë
Parlamenti i Greqisë e ka miratuar marrëveshjen historike për emrin me Maqedoninë. Marrëveshja u miratua me 153 vota për dhe 146 kundër, dhe ajo e emërton Ish-Republikën jugosllave me emrin Maqedonia e Veriut, raporton RFE.
Mijëra qytetarë kanë protestuar jashtë Parlamentit.
Grekët e kanë kundërshtuar emrin e Maqedonisë që nga pavarësimi i saj më 1991, pasi në Greqi ndodhet një territor me emrin e njëjtë.
Debate në Parlamentin grek ka zgjatur më shumë se 38 orë, dhe më shumë se 200 deputetë kanë diskutuar gjatë debatit.
