Video/ Shembet diga, qindra të zhdukur…

Më shumë se 300 persona janë zhdukur pas shembjes së digës në një minierë hekuri në Brazil, raportojnë autoritetet.

Shembja shkaktoi një llum balte që përfshiu qindra punonjës që ishin duke ngrënë drekë aty pranë.

Kryetari i zonës Romey Zema, tha se nuk ka shumë shanca qe të zhdukurit mund të gjenden të gjallë. Nëntë persona janë konfirmuar të vdekur, raporton RFE.

Nuk është ende e qartë se çfarë e ka shkaktuar kolapsin e digës, që zotërohet nga kompania braziliane Vale.

Kjo ngjarje ndodhi tre vjet pas shembjes së digës në Mariana, që la të vdekur 19 persona, ngarje që konsiderohet katastrofa më e madhe natyrore në Brazil.