Niset nga Kavaja/ Misioni, Basha: Ti japim fund shtetit grabitqar, kontratë e re sociale…

Sot nga Kavaja, Kryetari i Partisë Demokratike, Lulzim Basha ka nis një tur bashkëbisedimi me të rinjë dhe qytetarët në gjithë Shqipërinë me qëllim të nënshkrimit të një kontrate sociale për të përmirësuar liritë, të drejtat, zhvillimin, miërëqënien e gjithësecilit.

“Pjesë e kësaj kontrate është edhe ndërtimi i institucioneve shtetërore, është miratimi i ligjeve, të cilat përmes barazinë para ligjit kanë përgjegjësinë të garantojnë të nesërmen. Mirëpo kjo kontratë është shkëlur me të dyja këmbët më ata që janë sot në pushtet. Ku ka shembull më të mirë për shkeljen e kësaj kontrate se sa Ligji për Arsimin e Lartë,” tha Lulzim Basha duke premtuar me këtë rast se me të ardhur në pushtet, partia Demokratike do të abrogojë Ligjin për Arsimin e Lartë dhe do të hartohet një Ligj i Standardeve Europiane.

“Sot dua t’ju konfirmoj nga Kavaja se në ditën tonë të parë në pushtet, ne do ta abrogojmë ligjin për arsimin e lartë, si një ligj korruptiv, si themeli i gjithçkaje ka shkuar keq në arsimin e lartë në Shqipër. Puna do të nisë sot me studentë e pedagogë për një ligj të standardeve europiane. Duke u bazuar në këtë ligj Edi Rama arriti në diçka sa tinzare aq edhe grabitqare. Nga njëra anë vazhdon të detyrojë prindërit tuaj që të paguajnë taksat më të larta në Europë”

Edi Rama vazhdon të detyrojë prindërit që të paguajnë taksat më të larta në Europë dhe këto taksa nuk përdoren për përmirësimin e cilësisë së arsimit.

“Për të përmirësuar cilësinë e kopshteve, shkollave, apo për të siguruar një arsim cilësor universitar. Këto taksa në vend që të shkojnë për të lehtësuar kushtet tuaja dhe për të mundësuar një arsim cilësor, këto taksa vidhen dhe shpërdorohen nga tre apo katër duar që fitojnë PPP-të e famshme. Tani na thotë që me 1 korrik nuk do të ketë më PPP, normalisht se deri më 1 korrik nuk do ketë më lek,” tha kryetari I PD duke shtuar se Shqipëria do të jetë vjedhur për 15 vitet e ardhshme.

“Taksat që i kanë shkuar shtetit do të kenë shkuar në xhepat e një bande oligarke, biznesmenësh grabitqarë që nuk e meritojnë emrin biznes, se vetëm me biznes nuk merren, vetëm me vjeshje. Për 15 – 20 vitet e ardhshme. Dhe kjo do të ndodhë nqs e lejojmë ne, nqs e lejoni ju. Jeni të gatshëm ta vazhdojë këtë zhvatje, këtë vjedhje? Këtë grabitje të taksave tuaja dhe prindërve tuaj? A jeni gati të ngriheni gjithësecili prej jush të bëjë detyrën tuaj për të rikthyer, një kontratë sociale mes shqiptarëve,” tha lideri i opozitës para qytetarëve të Kavajës, duke sqaruar se një shtet nuk bën ligje për të vjedhur qytetarët, por për t’i shërbyer çdo qytetari.”

Me këtë rast Lulzim Basha e bëri të qartë se PD po ngrihet për t’i dhënë fund një shteti grabitqar, dhe për të ndërtuar një tjetër kontratë sociale me të gjithë shqiptarët që duan atdheun e tyre, vendin e tyre!

“Misioni më i rëndësishëm i imi si kryetar i Partisë Demokratike, është të përgatis kushtet që kjo rini të marrë në dorë fatet e vendit nesër. Pa arsimin e lartë vendi nuk mund të ecë përpara, pa investuar tek arsimi, vendi shkon drejt falimentimit total,” tha Basha duke ritheksuar zgjidhjen që propozon Partia Demokratike për daljen nga kriza e rëndë në Univeristtete shqiptare:

“Dyfishimi i buxhetit për arsimin e lartë, që do të thotë se të gjithë studentët që vijnë nga familje me të ardhura nën 640 mijë lek të vjetra në muaj, të përfitojnë financimin e plotë të tarifave universitare, për bachelor dhe për master. Për ata që vijnë nga familje me të ardhura mbi 640 mijë lek në muaj, përgjysmim tarife. Për ata të tjerët që edhe me zerimin e tarifave e kanë të pamundur, që i kanë të dy prindërit pa punë, pa të ardhura, me lëmoshë emigracioni, meritojnë mbështetje financiare nga shteti.”

Kjo është plotësisht e mundur, tha kryetari i PD, Lulzim Basha, duke sqaruar:

“Ne mundësojmë që të paktën 5 mijë studentë që vijnë nga familje që nuk kanë mundësi të përballojnë as kostot minimale, jo vetëm nuk do të paguajnë tarifa universitare, por do të kenë mbështetje në vlerën prej 2 milionë e 200 mijë lekësh të vjetra në vit për t’u paguar të gjithë koston e qersë, ushqimit, librave, transportit publik, interurban. Dhe kjo është plotësisht e mundur.”

Ndryshe, turin e nisur të bashkëbisedimit me të rinjë dhe qytetarët nga Kavaja, Kryetari i Partisë Demokratike, Lulzim Basha do ta vazhdoj në gjithë Shqipërinë.