Drejtor i KESH/ Benet Beci tha se pranoi propozimin e Edi Ramës, por…

Ish-drejtori Ekzekutiv i Fondit Shqiptar të Zhvillimit, FSHZH, Benet Beci tha se e ka pranuar propozimin e kryeministrit Edi Rama për të drejtuar një tjetër institucion strategjik, siç është Korporata Elektroenergjitike Shqiptare, por zëvendësimi i tij me njeriun më të afërt të Ramës në kohën kur ishte në bashki dëshmon se nuk bëhet thjeshtë vetëm për pranim.

“E pranova me kënaqësi këtë propozim si shenjë të besimit, por edhe si mundësi që përvojën time prej shumë vitesh si menaxher dhe drejtues, ta zbatoj edhe në një sektor tjetër strategjik, siç është KESH,”  tha Benet Beci pas emërimit si Drejtor i Korporatës Elektronergjitike Shqiptare por jo gjithçka përfundoi me këtë emërim.

Edi Rama edhe në rastin e Fondit Shqiptar të Zhvillimit dëshmoi se nuk administron asgjë më shumë, nëse nuk i ka përmasat e Bashkisë së Tiranës. Mirë Benet Becin e vuri në krye të KESH se nuk ishte njeriu i Gjiknurit po si të zëvendësohej posti i cili menaxhon buxhetin e një shteti dhe jo vetëm.

Përfundimisht në këtë vend janë bërë vjedhje nga më të ndryshmet, por Akademi e Vjedhjes ishte dhe ngeli Bashkia e Tiranës nën drejtimin e Edi Ramës. Ose e thënë ndryshe nga Shalsi i Ramës, këta edhe vjedhjen e kanë me stil!

Dhe, vendin e Benet Becit nuk kishte se kush ta plotësonte tjetër përveç se Ish-administratori në Bashkinë e Tiranës, Dritan Agolli, punëtor ky i devotshëm i Edi Ramës si Drejtor i Përgjithshëm i Punëve Publike dhe Drejtor i Përgjithshëm i Planifikimit Urban. Ndryshe, drejtori i KESH, Agron Hetoja është drejtori i radhës i shkarkuar nga Ministrja e Infrastrukturës dhe Energjetikës, Belinda Balluku, pas drejtorit të ARSH, Afrim Qëndro, drejtorit të OST, Klodian Gradeci dhe drejtorit të Portit të Durrësit, Afrim Bakaj.